Berriaren ahalegina Tokyotik: Seigarren Uztaia eta beste

Berriak Joko Olinpikoekin egiten duena txalotzekoa da gero. Jakes Goikoetxea eta Ainara Arratibelek Tokyotik jo ta sua dihardute, ez bakarrik egunkarirako kronikak idazten, baita bideoak egiten ere, Seigarren Uztaia deitu duten telesaiorako. Eta notizia gertatzen den tokian, hala nola Maialen Chorrauten adierazpenak lortzen zilarrezko domina irabazi eta gutxira.