Literaturari buruz sarean dagoen guztia, Imanol Epelderen eskutik

Lau minututan Imanol Epeldek errepaso bikaina egiten dio sarean aurki daitekeen euskal literaturako baliabide mordorari. Erreferentziazko katedrala, Armiarma. Albisteekin jakitun egoteko, Hitzen Uberan eta 111 akademia. Entzunezko pasarteak, Xerezaderen Artxiboa podcasta, Etxegiroan ipuin eta audio-liburuak, eta Aittu.eus, idazleen ahotsa entzuteko, gehi Etxepare Rap, Epeldek berak flow handiarekin rap bihurtutako literatura klasikoa. Liburu elektronikoaren alorrean, Booktegi eta Susaren katalogoa. Telebistan, Artefaktua eta Nahieraren aurki ditzakezun Sautrela zaharrak ahaztu gabe. Ekimen sustatzaileak: Idazleak ikastetxeetan programa, Galtzagorri elkartearen ideiak, Urruzunotarrak gazteen idazlanak sustatzeko, eta ELK kanona Nafarroatik.