Soziolinguistikaren inguruko ikerketa-lanak sarean ikusgai

HIZNET Hizkuntza Plangintza graduondoko ikasleen zeregin nagusietako bat izan ohi da gai zehatz baten inguruko sakontze egitasmoa lantzea. Ikasleek aukeratzen dituzte aztergaiak: enpresa/erakunde jakinetako hizkuntza-plangintzak, udalerri jakinetako euskararen egoera, sare sozialak eta hizkuntzak, eleaniztasuna hezkuntzan, motibazioa... Irakasle-adituen laguntza izaten dute ikasleek lana aurrera eramateko.

2014/2015 ikasturteko ikasleen lanak hasi gara webgunean zintzilikatzen. Lanen artean, honako hauek topa ditzakezue, esaterako:

• Euskalgintza eta feminismoaren arteko sinergiak
• Tolosako euskaltegia eta mintzalaguna egitasmoa
• Etxepare Institutuaren irakurletzak atzerriko unibertsitateetan
• Mutrikuko euskararen erabilera datuekin jolasean, eta aurrera begira zer?

Hemen dituzue plazaratu ditugun lan guztiak: http://hiznet.asmoz.org/index.php/ikerketa-lanak

Lan sakonak izaten dira gehienak, eta proiektu zabalago batzuen abiapuntu beste batzuk. Nolanahi den, interesgarriak guztiak. Gai horien inguruko interesa duenak, badu zer irakurria!

Ikastaroaren webgunea hauxe da: http://hiznet.asmoz.org/

Informazio gehiago: hiznet@asmoz.org // Tlf:  943  32 63 98