Teknologia albisteak
MountainView aplikazioa, mendizaleentzat egina
2013-11-28 : 20:29
Kaleratu berria da euskarazko bertsioa duen aplikazio gutxietako bat: MountainView du izena eta eskuragarri duzue jadanik Windows Phone Marketplace-n . Esteka honi klik egitea besterik ez duzue edozein mendizaleri gustatuko zaion mobil aplikazioaz gozatzeko.
MountainView-ren bitartez askoz hobeto ezagutuko duzu zure ingurumena, mendien izenak eta altuerak hain zuzen. Nola? bada mobila mugitzen duzun heinean, pantailaren bidez, agerian diren mendiei informazioa duten etiketak itsasten zaizkie eta horrela aurrean duzun begibista esanguratsuagoa da. Bere funtzionamendu oinarria "Augmented Reality" delako teknologian datza, nabigadore arrunten antzera. Gainera ezarpenetan euskara jarri dezakezu aplikazioaren hizkuntza gisa.
Kaixo @mountainviewapp! Gustatuko litzaidake jakitea ea beste plataformetarako ere garapena pentsatuta daukazuen. Eta hala bada, eperik edo jakiterik bada? Mila esker