Teknologia albisteak

Konparazio-bilaketa praktikoak Dabilena erabiliz

Erabiltzailearen aurpegia
2021-12-15 : 12:41

Uztailean aurkeztu zuen Elhuyarrek Dabilena, gaur egungo euskararen corpusa kontsultatzeko tresna interesgarria. Euskara-gaztelania corpusak konparatzen ditu eta itzulpen kontuetarako baliagarria da baina, pertsonalki, eremu zehatz batean aurkitu diot baliagarritasuna: konparazio-bileketak.

Wikipediarako, adibidez, deiturak eta abizenak aipatzen zituen eztabaida batean sartu nintzen, eta nola erabaki zein den egokiago. Ba kontsulta dezagun Dabilena eta egin konparaketa.

Ba abizenek irabazten du. Horri kasu egin beharko genioke? Ez dakit, kasu honetan sinonimoak iruditzen zaizkit abizen eta deitura eta ez dut gehiago busti nahi, baina datua hor dago.

Beste kontzeptu batekin ere, hortxe nabil wikipedista gisa eta place/lieu/lugar adiera geofrafikoa (izena duen inguru geografikoa) nola eman euskaraz. Toki edo Leku. Lemaren bidezko konparazio bilaketa egin dut. Eta Lekuk irabazi du.

 

Forma bilaketan, nabarmenago.

Forma zehatzago bat (tokietara vs lekuetara) aukeratu dut ilustratzeko lema/forma bereizketa nola den konparazio hauetan. Lema bilaketa osoagoa da, forma gramatikalak hartzen dituelako (deklinabidea, baina orain ez omen da deklinabidea!), eta forma bilatuta hitz isolatu zehatza aurkitzen dugu.

Oso ondo dago konparatzaile hau, zorionak Elhuyar. Hemendik erabil dezakezue: https://dabilena.elhuyar.eus/comparation 

Eskaeratxo bat, hori bai. Sortzen ahal dituzue mesedez permalink-ak bilaketak zuzenean URL bidez erreferentiatzeko? Hau da, dabilena.elhuyar.eus/comparation/lema/toki/leku URLa moduko zerbait. Eskerrik asko.

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago