Interneteko presentzia ixteko "dekretatu" arren, sarean jarraitzen du Herrirak
- Twitterreko 32 profil
- Facebook-eko 125 kontu
- 38 webgune
- Twitterren, @herrira_info kontuak irekita jarraitzen du, eta atzo txioak ere egin zituen (gaur ez, ordea).
- Herrira.org webgune nagusiak sarean jarraitzen du (baina ez da eguneratu operazioa berritu zenik). Arabako Herriraren webgunea ere irekita dago, eta eguneratua kasu honetan.
- Herrirak materiala saltzeko denda bat ere badu sarean. Webgunea martxan dago, baina ez dakigu erosketa prozesuak funtzionatzen ote duen. Diru-kontuen interbentzioa ere agindu zuen atzo Audientzia Nazionalak...
- Facebook-en, herrietako Herrira batzordeen hainbat orri irekita daude.
Facebook-eko orrien kasuan, bilaketa batean Herrira izenarekin identifikatu daitezkeen dozena bat orri aurkitu ditut, ez 125, inondik ere. Horietako batzuk "pertsona profilarekin" daude ("lagunak" egiteko moduan; Facebook-ek edozein unetan ezaba ditzake, bere arauetatik kanpo geratzen delako erakunde-orri bat profil prertsonalarekin gorpuztea), eta beste batzuk, egokiago agian, "orrialde profilarekin". Hauen artean, Herrira mugimenduaren orri ofiziala eguneratu gabe geratu da operazioaren ondoren.
Damoklesen ezpata bezala, beren gainean "itxiera dekretatua" dute sareko euskal baliabide askok. Nola edo noiz gauzatuko den hori, gauzatzen bada, ez dakigu, ezta ere mehatxua noraino iristen den, norengana, kopuruz ikaragarria baita itxi nahi dutena.
Webguneen itxieraren motibo eta prozeduren inguruan eztabaida eta jurisprudentziarik ez da falta Espainian. Ikus-entzunezkoen materialen banaketarekin zerikusia duten webguneen inguruan izan ohi da eztabaida hori.
Ematen du Euskal Herrian sortzen diren webguneekin ez dela beste prozedurarik behar, ez sententziarik ez ezer: Audientzia Nazionalak dekretatzearekin nahikoa da.
Erantzunak
Ez dakit nabegadorea den edo operadorea. Nik uste nuen operadorearen kontua dela. Herrira web gune batzuetan sartu eta ez da ikusten. Nik Euskaltel daukat, beraz esango nuke Euskaltelek orri horiek ikusteko bidea moztu duela. Baina egon badago horiek ikusteko modua. Nik anonymouse.org probatu dut (egongo dira bide hobeak, ni ez naiz aditua kontu hauetan).
Batzuk (?) dagoeneko desagertuta daude
Herrira.org: http://herrira.org/ http://ttiki.com/55502
Algortako herrira: http://ttiki.com/55484
leioako herrira: http://ttiki.com/55486
urdulizko herrira: http://ttiki.com/55487
arabako herrira: http://ttiki.com/55489
basauriko herrira: http://ttiki.com/55490
bilbo: ? bilbokoherribilgunea.blogspot.com/
mungia: ? https://sites.google.com/site/mungianamnistia/
ondarroa: http://ttiki.com/55492
ortuella: http://ttiki.com/55493
san inazio: http://ttiki.com/55494
santurtzi: ? http://herrirasanturtzi.blogspot.com/
santutxu: ? http://www.santutxukoherrira.info/
usansolo: http://ttiki.com/55495
arrasate: http://ttiki.com/55496
donostialdea: ? http://www.egindezagunbideadonostia.com/
irun: http://ttiki.com/55497
ordizia: http://ttiki.com/55498
orereta: ? http://herriraorereta.org/
zarautz: http://ttiki.com/55499
etxarri aranatz http://ttiki.com/55500
oltza: http://ttiki.com/55501
Hori egiteko bidea:
http://anonymouse.org
Ingelesa aukeratu,
http://anonymouse.org/anonwww.html
eta hor helbidea Algortako Herrira helbidea sartuta:
http://anonymouse.org/cgi-bin/anon-www.cgi/http://algortaherrira.blogspot.com.es
eta azkenean, laburtzeko: ttiki.com
Algortako Herrira http://ttiki.com/55484
Rikardo Arregi @rikarregi -k artikulua argitaratu du kontuaz Deian gaur: Denboraren makina. Halaxe amaitzen da:
Gaurkotasuna duen gauza bakarra da atxiloketak, miaketak, bakuetako kontu korronte ixteak eta ohiko gauza horiekin guztiekin batera webguneak itxi egin dituztela eta facebook edo twitterreko profilak. Oraindik 2013. urtean gaudela frogatzen duen zantzu bakarra.
Bide batez, mila esker Handik Hona erabiltzaileari webguneen egoeraren errepaso zehatz horragatik.
/cache/Udako-Ola-2024_1_small_content.jpeg)
Nire nabigatzailearekin, bederen, webguneak dagoeneko ez daude eskuragarri.