Teknologia albisteak
Agur Antonio Basagoitiri, banku baten kontrako boikota eskatzen ausartu zen politikariari
2013-05-16 : 10:44
Antonio Basagoiti PPko burukide izanak bere kargua utzi du EAEko PPn, eta gaur agurtuko da Eusko Legebiltzarrean kide eta aurkari politikengandik. Twitterreko @abasagoiti kontua ere itxi du, eta Mexikora doa banku batean lan egitera. Bitxia iruditzen zait bankugintzara dedikatzea orain gizona, beste inork egin ez duena egin baitzuen Basagoitik behin publikoki: banku baten kontrako boikota eskatu.
Zehazki Laboral Kutxa bankuaren kontrako boikota eskatu zuen 2003an (Caja Laboral gaztelaniaz, Euskadiko Kutxa orduan euskaraz), El Pais egunkariko zuzendariari idatzitako gutun batean.Euskaldunon Egunkaria itxi zuten urtea izan zen hura, eta hark eragin zuen Basagoitiren gutuna. Euskaldun Unibertsala saria eman zion orduan Eusko Jaurlatitzak Martin Ugalderi, eta kontua ez zitzaion gustatu Basagoitiri. ETAren alde egitea izan zen hura, eta errudunen artean, Laboral Kutxa izendatu zuen bereziki, sariaren babeslea baitzen.
Hemerotekatik erreskatatuta, behean duzue irudia, eta testua nahi izanez gero, hementxe literalki gaztelaniaz.
(Oharra: ez naiz Laboral Kutxaren bezeroa).
Erantzun
Sartu