Hemen dugu berriz Euskararen Ginkana!

Lehendabiziko edizioaren arrakasta eta gero.... hemen dugu berriz ere Euskararen Ginkana! Abenduaren 3an hasiko da Kutxa Ekoguneak antolatutako lehiaketa eta dagoeneko izena eman dezakezu www.euskararenginkana.net helbidean.

Bigarren edizio honetan, galderak eta probak ez dira soilik euskarara mugatuko. Inguruneak, ekosistemak, euskaran eta beste hizkuntzengan duen eraginean murgilduko gara. Alegia, hizkuntza-ekologian.

Baina ez da hori berritasun bakarra. Oraingoan, sari berri bat baitago. Lehiaketaren irabazlearen eskualdeko euskalgintza proiektu baterako 3.000€ko laguntza emango baitu Kutxa Ekoguneak. Aipatutako proiektua Topagunearekin adostuko da.

Euskararen Ginkana ere sari bikainak irabazteko aukera paregabea duzu. Lehen fasea abenduaren 3an abiatu eta urtarrilaren 21ean eguerdiko 12etan amaituko da. Astero probak eta asmatu beharreko galderak argitaratuko dira. Lehenengo fasearen amaieran puntu gehien dituzten 10 lehiakideak otsailaren 9an Donostian San Telmo Museoan ospatuko den finalerako sailkatuko dira. Irabazlea bizikleta elektriko batekin saritua izango da. Bigarren sailkatuak asteburu bat irabaziko du landetxe batean eta hirugarrenak afari ekologiko bat bi lagunentzat.

Parte hartzeko 1997an edo lehenago jaio bazara, izena emateko formularioa betetzea besterik ez duzu behar. Hortik aurrera, lehen fasean zehar astero proba eta galdera berriak argitaratzen diren unetik zure txokoan erantzuteko aukera izango duzu, lehen fasea amaitu arte.

Ezetz galderak eta probak gainditu eta otsailaren 9an ospatuko den finalerako sailkatu!

Irakurri lehiaketaren oinarriak HEMEN sakatuta.

Euskararen Ginkanako iazko edizioko finalistak.