Kneecap filma, orain euskarazko azpitituluekin
Ezagutzen duzue KNEECAP filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta musika, irlandar umorea eta tradizioa, West Belfasteko giroa eta gaelikoaren inguruko kontraesanak nabarmentzen dituen filma bizia da.
Orain euskarazko azpitituluekin ikusteko aukera paregabea daukagu. Auzolanean euskaratuta, azpitituluak.eus gunean eskura dago srt artxiboa. FILMIN plataforman berriz, euskarazko azpitituluekin ikusten ahal da.
Eta PANTAILALDIAn (maiatzaren 8tik aurrera) jendaurrean ikusteko aukera izango dugu. Dagoeneko emanaldiak antolatu dira, Bilbon, Iruñean, Saran ….
EUSKARALDIA ere maiatzaren 15etik 25era burutuko da, eta hamaika egunetan herriz herri egingo den ariketa sozialerako ere baliagarria dela deritzozu, Irlandako hizkuntza, kultura eta kaleko mobida ederki isladatzen dituelako film honek. Pelikulari buruz solasean aritzeko parada ederra eskaintzen du, dudarik gabe.
Herriz herri ikusteko aukera
Gurean, Kultur Errotak eskainiko du filma herrietara eramateko eta ikusteko aukera. Eta polita izango da, musika, drogak, hizkuntza eta Irlandako bake garaiotako giroaz berba egitea.
Erantzun
Sartu