Teknologia albisteak
2

"Peter Pan" Musikala, larunbatean azkenengo emanaldia, Bilbon

2014-10-21 : 01:44

Datorren larunbatean, urriaren 25ean, arratsaldeko 16:00etan eta 19:30etan, Peter Pan Musikala antzeztuko dugu Bilboko Euskalduna Jauregiaren Auditorioan. Musikala Bergarako Musika Eskolak ekoitzi du, eta hauxe izango da bere azkenengo emanaldia. Duela 2 urte estrainatu zen Bergaran, eta harrezkero 10.000 ikusletik gora izan ditu. Sarrerak 10 eta 25 euro artean daude salgai, www.euskalduna.net, www.ticket.kutxabank.es eta Euskaldunako takilan. 

Urriaren 25ean, Peter Pan Musikala antzeztuko dugu Bilboko Euskalduna Jauregiaren Auditorioan. Ikuskizun erraldoi hau Bergarako Musika Eskolak ekoiztu du eta Pikupe Produkzioak promozio lanak egiten ari da.

Peter Pan Musikalaren ezaugarriak hauek dira:

  • Momentu honetan Euskaraz egiten ari den formatu handiko Musikal bakarra da.
  • 150 artista, besteak beste, aktoreak, musikariak, tramoiariak…
  • Den denak Bergarako Musika Eskolaren parte edo zerikusia daukenak: Ikasleak, irakasleak, gurasoak…
  • Musika eta ahotsa zuzenean
  • Istorio oso bat kontatzen da, hasieratik bukaerararte.

Sarrerak 10 eta 25 euro artean, www.euskalduna.net, www.ticket.kutxabank.es eta Euskaldunako takilan.


Anima zaitez.

Erantzunak

2014-10-21 : 11:05

Aspalditik dauzkagu sarrerak erosita, plan ederra!!

2014-10-21 : 20:32

Kontxo Aitzol! Ba, hantxe ikusiko gaittuk! Geu be Bilbora egun pasa datorren zapatuan.

Erantzun

Twitter ikonoa  Facebook ikonoa  Sartu