Landare elkarteak Irritxoen eguneko antolatzaile nagusi modura haurrentzako espresuki antolaturiko egun berezi honen aurkezpena egin nahi dizue. 2012ko Azaroak 11 Igandea Oreretan izango da irritxoen eguna ospatuko den data. Irritxoen eguna, herrikoia, parte hartzailea eta euskalduna izatea du helburu, orregatik gonbidapena luzatzen dugu nahi duen orori, elkarte, talde eragile zein norbanakoei, antolakuntzan, segurtasunean, zaintzetan eta abar luze batetan, ideiak jorratuz edo egunean bertan lan eginez parte hartu dezan gurekin.
Gune guztiak haurrei zuzenduak egongo dira, honetarako puzgarriak, magoak, eskalada gunea, pailazoak (Pirritx Porrotx eta Marimototx), tailerrak, marrazteko guneak, dantzaldiak, euskal jolasak, kale animazioak, buru handiak, erraldoiak, trikitilariak, txarangak, dultzaineroak, bertsolariak eta abar prestatu ditugu 8 gune desberdinetan banaturik.
Aipatu beharrean gaude, eguraldi txarrerako prest ditugula guneak
Animatu eta Oreretan ospatuko den Irritxoen egunean ikusiko dugu elkarrekin.
Bertan bazkari herrikoia izango da non haur zein helduentzako menu bereziak izango ditugun. Sarrerak erosi nahi baldin badituzu ohiko lekuetan eta www.barrabarra.eu web gunean aurkituko dituzu.
Bazkariaren menua zehaztu gabe dago oraindik, jakin bezain laster bertan jartzeko konpromezua hartzen dugu. Dieta berezi baten beharra izan ez gero, zeliakoak, bejetarianoak… jarri gurekin hartu harremanetan eta prestatuko dizuegu menu bereziak. (2 eguneko aurrerapenarekin gutxienez, zuen datuak eta telefono zenbaki bat erantsiz info(abildua)irritxoeneguna.info
Bazkaria 14:00tan izango da
Gune guztiak bezala musikaz animaturik egongo da gune hau ere.
Gune honetatik abiatuko dira zanpantzarrak goizeko 11:00tan, jarraian Irritxoen eguneko irekiera ekitaldiari emango zaio hasiera non hitzaldi motz baten ostean Oreretako alkateak Irritxoen eguneko Alkate Txikia izendatuko du.
Ekitaldiaren jarraian antzerki bat izango dugu ikusgai non espetxean bere haurrarekin bizi den ama baten ikuspuntu eta bizi esperientziak azalduki dizkigute.
Ikuskizuna arratsaldeko 17:00etan errepikatuko da.
Gune honetan ere Txiki Kaia gunea aurkitu dezakegu non haurrak dohainik sartu daitezke 45 minutuz gozatzera bertako zirkuitu babestuan, pistinazko bolak, txirristak, toboganak eta abar luze bat.
Gune hau eskaladari zuzenduriko gunea izango da, bertan eskalatu, bulderra egin, tirolinatik jauzi eta rapelatzeko aukera izango dute haurrek goizeko 11:00tatik arratsaldeko 20:00tara.
Gune guztiak bezala musikaz blai izango den eremua izango da hau.
Kiroldegian arratsaldeko 17:00tan Pirritx Porrotx eta Marimototxen Irritxoen egunerako egiten duten emanaldi berezia izango dugu. Bertan izango dugu ere Olentzero urtero bezala gabonetako eskutitzak jasoaz.
Pirrtx Porrtx eta Marimotoxen ikuskizuneko sarrerak salgai daude ohiko lekuetan eta www.barrabarra.eu web gunean.
Kiroldegiko ateen irekiera 16:00tan egingo da eta lehenago beharrezkoa izango da bertan zuen sarrerak pultsera berezi baten truke aldatzea. Pultsera hauek ongi zaindu behako dituzue, hauek gabe ezingo duzue kiroldegira sartu eta.
Aipatu beharrean gaude, eguraldi txarrerako prest ditugula guneak.
Animatu eta Oreretan ospatuko den Irritxoen egunean ikusiko dugu elkarrekin.
Erantzun
Sartu