Larunbatean erabakitzeko eskubidearen aldeko ‘Gure esku dago’ ekimenaren aurkezpen publikoa izango da Irungo FICOBAn. Izaera eta ikuspegi ezberdineko herritarrak batu ditu ekimenak. Oinarria: Euskal Herria nazioa da, erabakitzeko eskubidea du
FICOBAn aurkeztuko du publikoki bere burua ‘Gure esku dago’ ekimenak. Ekitaldia irekia izango da (11.30ean) eta erabakitzeko eskubidearen alde bat egiten duen oro gonbidatuta dago.
Ekitaldian 25 musikarik elkarlanean egin duten abestia (eta bideoklipa) ere aurkeztuko da. Kirmen Uribek egin ditu hitzak, Kepa Junkerak eta Eñaut Elorrietak musika eta Joserra Senperenak nahasketak eta ekoizpena. Gainera guzti hauek abestu dute: Erramun Martikorena, Antton Valverde, Anje Duhalde, Amaia Zubiria, Gontzal Mendibil, Arantxa Irazusta, Pantxoa eta Peio, Fran eta Zuriñe (Hesian), Amets Arzallus, Fermin Balentzia, Xabier Solano (Esne Beltza), Maider Ansa (Tximeleta), Mikel Markez, Miren (Aire ahizpak), Alex Sardui (Gatibu), Jon Maia, Enrique Villareal el Drogas, Mikel Urdangarin, Imanol Ubeda (Bide Ertzean), Xabi San Sebastian, Ines Osinaga (Gose), Rafa Rueda, Francis Díez (Dr. Deseo) eta Aiora Renteria. Eurekin batera Santa Ceclia abesbatza eta Zarauzko haurrak ere izan dira.
gitarra: Joseba Irazoki bajua: Migel Artieda teklatuak: Joserra Senperena
adarra: Joseba Zuaznabar txistua: Joxe Inazio Ansorena txalaparta: Juan Mari Beltran, Ixiar Jauregi triki-trixa: Laja, Kepa Junkera. panderoa: Leturia, Mutriku. atabala: Laida Agirre, Josu Berra, Xabier Esnaola, Iñigo Sarasola. joaldunak: Jone Galarza, Uguzne Aramendia, Arkaitz Otazu, Aritz Rekalde.
Orkestra: biolinak: Xabier Gil, Itziar Prieto, Ludwig Hamela, Oscar Lopez, Igor Torre, Anne Marie Harmat, Ricardo Ruiz. biolak: Harkaitz Martinez, Pascal Arnaud, Gregowz Kawka. belloak: Jon Larraz, Natalia Diaz. tronpa: Salvador Tudela. tronboia: Miguel Sansiñena.
2013 apirilean Elkar estudioetan grabatua. Nahasketak: Jean Phocas Teknikariak: Jean Phocas, Víctor Sánchez.
Erantzun
Sartu