'GUK, nosotros' dokumentalaren online estreinaldia

Nuria Vilalta (Iruñea, 1982) zuzendariak duela urte batzuk Argentinara iritsi zela. Han euskal nortasuna bizi-bizirik duten euskaldunekin eta haien ondorengoekin egin zuen topo. Aurkikuntza horrek Nuria liluratuta utzi eta dokumental bat egiteko inspirazioaz bete zuen. Horrela, ia hiru urteko lanari, kolaborazioei eta profesional, lagun eta ezagun askoren ahaleginari esker “GUK, nosotros” izeneko filma jaio da.

Road Movie itxura hartzen duen dokumentalak, Rio de la Platako alde bietan (Argentinan eta Uruguain) bizi diren hainbat euskaldunen hitzak eta ideiak Euskal Herrira eta mundura ekartzen ditu. Ikusleek 60 minutu pasatxotan gugandik 10.000 kilometrora bizi diren euskaldunen ametsak eta kezkak ezagutzeko aukera zoragarria dute www.guknosotros.com webgunean.

Lan guzti hori %100ean independentea izan da, alegia, bolondres lanari esker eta ekoizpen etxe eta instituzioen diru laguntzarik gabe aurrera atera den proiektua. Profesionaletariko inork ez du haren lanagatik dirurik jaso. Horregatik, webgune bertatik, filmaren arduradunek diru-ekarpenak egiteko aukera ere baliatu dute.