Hesiak Gainditzen dokumentala, euskarara hurbiltzeko ahalegina egin zutenak omentzeko

Arrasaten abenduan aurkeztu bazen ere, Hesiak Gainditzen dokumentalaren hedapena Debagoieneko zein Euskal Herriko beste zenbait herri eta hedabidetan zabaltzan ari da egunotan. Ikus-entzunezko ekoizpenak esperientzia ezberdinak jaso ditu, beti ere euskaran oinarritutako bizipenak. Hala, Arrasateko eta inguruetako familia eta guraso ezberdinen testigantzak jasotzen dira.

Espainiatik etorritakoen testigantzak
Garai batean Estatu espainiarretik etorri eta euskaraz ikasi ez arren bere ondorengoei  euskaraz ikasteko bidea erraztu zutenen, atzerritik etorri eta euskaraz ikasi dutenen edota Euskal Herrian jaio arren euskara galdu eta berreskuratu dutenen testigantzak jasotzen dira dokumentalean. Horrela, Arrasateko Txatxilipurdi elkarteak horien guztien jarrera txalotu eta onartu nahi izan du.

Dokumentala www.guraso.com webgunean ikusi ahal izango da, eta baita beste zenbait hedabideren webguneetan ere. Gainera, Tokiko toki telebisten sarean ere emitituko dute eta Debagoienetik kanpo, zenbait zine aretotan ere eskainiko da.

Ideia originala Txatxilipurdi Elkartearena da eta gidoia Gorka Etxabek (Arteman komunikazioa) eta Jon Maiak egin zuten. Lokuzioa, berriz, Maiarena da eta proiektuaren sustatzaile eta laguntzaile nagusia Arrasateko Udala.