Mapillary: Gure ingurunea argazkitan erakusteko aplikazioa

Horretarako, gure telefono edo tabletean Mapillaryren aplikazioa instalatu besterik ez dugu eta gure inguruan argazkiak ateratzen has gaitezke:

• Etxeko wifian argazkiak automatikoki bidaltzen ditu aplikazioak eta telefonotik ezabatu, guk beste ezer egin beharrik gabe.
• Argazkiaren GPS kokapena eta norabidea aplikazioak detektatzen ditu.
• Matrikulak, testuak eta horrelako informazioa automatikoki zirriborrotzen da. Norberak ere eskuz eskatu dezake.
• Autoan, bizikletan edo oinez goazela atera ditzazkegu argazkiak, beraz mendi ibilbideak edo oinezkoentzako tokietan atera daitezke argazkiak.
• 360ºko argazkiak ateratzeko aukera toki ikusgarrietan.

Mapillaryk abantaila hauek eskaintzen ditu:

• Nahi bezain sarri atera ditzazkegu argazkiak, ez dugu Googleren autoa etortzeko zai egon beharrik.
• Googleri komertzialki interesatzen ez zaizkion tokiak guk geuk publikatu ditzazkegu.
• API ireki bat eskaintzen du, gure aplikazio eta webgune propioetan tresna eta irudi horiek integratu ahal izateko.
• Zerbitzua ordaindu ezkero, gure argazki datubase partikularra izan dezakegu, guk nahi dugun aplikazioan integratu ahal izateko.

Hona hemen pare bat adibide:

• Kalamua puntatik 360ºtako ikusmira. Parean Anboto, ezkerrean Udalaitz eta eskuman Gorbea. Argazkia biratzen hasi ezkero ikusten dira Oiz, Otoio, Arno, Izarraitz, Karakate eta abar luze bat.
• Eibarko San Juan kalea. Egin klik edo Play botoiari eman eta efektua ikusiko duzu.

Gehiago jakiteko: mapillary.com