Teknologia albisteak

Zubi honetan gertatzen dira A8ko istripuak Eibarren

Gari Araolaza

2011-05-31 : 12:05

Atzo iluntzean ere istripu larria A8an, Eibar parean. Azitaingo auzoan dagoen zubi honetan gertatzen dira honelako istripu asko. Badakizue, hurrengoan hortik pasatzean kontuz ibili!

Argazkiak.org | Azitaingo zubia A8an © Administrazio publikoena: B5M

Bihurgune zailak, trafiko handia, zubietan gertatzen diren asfalto aldaketak... Zerbait izango da, baina kamioi askok galtzen du kontrola puntu horretan, Bilbotik Donostiarako norantzan, Eibarko irteera baino 200 metro lehenago dagoen zubi horretan.

Eibarko ...eta kitto! aldizkarian atera dute atzoko kamioiaren argazkia: Trailer baten istripu ikusgarria Azitainen. Eskerrak suhiltzaileen egoitza ere 100 metrotara dagoela!

tagzaniapaste
tag eib20110530ist map

Erantzunak

Sustatu

2011-05-31 : 15:07

Telebistan ere agertu ziren irudiak. Badirudi kamerak iritsi zirenerako kamioia ez zegoela zintzilik, eta ez dituzte irudi hain ikusgarriak lortu. Nolanahi ere, hona ekarri dugu eitb.com-etik hartutako bideoa:

Mikel Lizarralde

2011-10-21 : 02:20

Herenegun, urriak 19, beste hildako bat egon zen zubi honetantxe. Gabeko Gaur Egun saioan esan zuten azken hamar urteetan sei izan direla hildakoak.