Apache: The Shadows-en instrumental berezia
Apache kantua 1960. urtean grabatu zuten The Shadows britainiarrek. Ziurrenez ez zuten pentsatuko instrumental batek halako bidea egin behar zuenik.
Kantu hau urteetan zehar famatu egin da. Nik bertsio friki bat twitter bidez jaso nuen. Honek interesa piztu eta Wikipedian ikasi dudana zuekin konpartitu nahi nuke.
Incredible Bongo Band
Soka luzeena ekarri duen bertsioa, Incredible Bongo Band taldearena izan da. Hauek perkusio lan ederra egin zioten kantuari 1973-an, eta bertsio honek izan du eragin gehien.
Eratorriak
Batez ere kantuaren hasierako bongo erritmo horrek eragin dio beste musikari askori, bai inspirazio moduan eta baita zuzenean sampleatu modura ere. Erritmo horrek izugarrizko eragina izan du Hip-hop musikan adibidez, eta rap munduko musikari askok erabili dute. Besteak beste, Beastie boys, Amy Winehouse, Vanilla Ice eta C+C Music Factory bezalakoek erabili dute kantuaren zatiren bat.
Hemen adibidez Sugarhill Gang-en rap bertsioa:
Bertsio ikusgarriena
Baina dudarik gabe bertsio ikusgarriena Tommy Seebach-ena izan da. Bertsio honek ekarri ninduen kantuaren harira, bideoa barrez lehertu beharrean ikusi nuelako. Seebach hau musikari daniarra zen, 3 aldiz Eurovisionen bere herrialdea ordezkatutakoa. Batez ere disko musika egiten zuen 70. eta 80. hamarkadetan, eta berak ere Apache kantuaren bertsio diskotekeroa egin zuen. 2003. urtean hil zen Tommy Seebach.
Musika aldetik bertsioa ez da beste mundukoa, baina bideoa ikusi beharra dago, beste garai bateko estetika duela esango nuke. Enjoy!
Kantuaz gehiago jakiteko
Ba nire gurasoek zituzten lau singelen artean hau aurkitzen zen Camilo Sexto eta Raphaelenaren artean. Izugarri gustatzen zitzaidan baina neukan musika aukeraketa ikusita ez dauka bestelako meriturik.