50 azatz euskarazko kulturgintzaren soloan
Nekazari finek haziak non bota zituzten gogoratzeko azatzak jartzen zituzten. Normalean, makil txikiak izaten ziren, hazia non bota den markatzeko. Azken bi urteotan ni ere horrela ibili naiz, makil txikiak ipintzen han-hemenka. Kasu honetan, nik ez ditut haziak bota, nik egin dudan gauza bakarra izan da hazi horiek non loratu diren adierazi. Beti ere, euskarazko kulturgintzaren soloan.
Hazietatik denetarik ernatu da: haritz sendoak, loretxo ahulak eta uzta ederrak. Denetarik bilatzen saiatu naiz, proiektu handi eta txikiak, profesionalak eta boluntarioak, eta ahal zen neurrian lurralde guztietakoak eta kulturgintzako alor guztietakoak. Ez dakit lortu dudan, baina hor doaz azken bi urteotan batu ditudan 50 azatzak:
Literatura:
- Azatzak 9: irakurri, gozatu eta oparitu
- Azatzak 39: Etxegiroan + Xerezade
- Azatzak 42: Edo argitaletxea + Pasazaite liburuak
- Azatzak 44: Literatur mikropilulen farmazia
- Azatzak 46: Euskarari ekarriak
Arte eszenikoak:
- Azatzak 36: Artedrama (ADEL)
Komikigintza:
Ikus-entzunezkoak:
- Azatzak 25: Lekeitioko zinema eta bideo bilera
- Azatzak 50: Argia multimedia
Musika:
- Azatzak 8: ekaitzaldia badok
- Azatzak 12: Euskal Herria Zuzenean
- Azatzak 18: Herri musikaren txokoa
- Azatzak 28: Entzun musikazuzenean
- Azatzak 47: Euskal Karaokeak
Bertsolaritza:
- Azatzak 33: Arabako bertsozale elkartea
- Azatzak 43: Algortako bertsolari eskola
Azpiegiturak:
- Azatzak 14: Kukutza gaztetxea
- Azatzak 27: Azpeitiko kultur mahaia
- Azatzak 45: Bilboko Kafe Antzokia
Orokorrak:
- Azatzak 3: Korrika kulturala
- Azatzak 13: Euskal kulturgintzaren transmisioa
- Azatzak 19: Arratsaldekoa eta arratsean
- Azatzak 48: Euskararen maratoia
kaixo,
kirolean ere azatzen bat edo beste jarri da urtebete honetan. Kirolaren bidez ere euskara sustatu daiteke, eta horrela sortu genuen www.futbolmamia.com. Hau idazteak ez du esan nahi zerrendan azaldu ez garelako erretxinduta gaudela. Gai sakonagoa da, galdera honekin abiatzen dena: euskalgintzan ematen al zaio garrantzia kirolari euskara sustatzeko eta zabaltzeko duen zereginean? Euskalgintza=kultura binomioan kateatuta ez ote dauden batzuek...