Teknologia albisteak
"Gaika": gure etxeetako hondakinak behar bezala bereizten lagunduko digun Android aplikazioa.
2013-03-06 : 16:47
Birziklatzeko arazoak? Zilarrezko papera nora bota behar da? Zer egin pixohialekin? Nora bota arropak? Lan hauek errazteko deskarga ezazu gaika aplikazioa! Martxoak sei egun dituen honetan aplikazioa Google Play dendan jarri dugu gure eguneroko birziklatzea hobetzeko. Oraingoz android sistemetan bakarrik dago erabilgarri, nahiz eta iOS-entzako garapenarekin ere hasiak garen, aurrerapenen berri izanen duzue.
Gure etxeetako hondakinak behar bezala bereizten lagunduko digun aplikazioa. Ondorengo herrietan gai bakoitza ateratzeko ordutegiak eta egutegia bistaratuz lagunduko digu:
- Astigarraga
- Hernani
- Oiartzun
- Usurbil
Herri gehiagori buruzko informazioa lortu ahala eguneratuko dugu.
Deskargatu gaika aplikazioa Google Play-tik eta informazio gehiago gure webgunean edukiko duzue.
Bitartean, deskargatu, probatu, birziklatu eta zuen proposamenak helarazteko bakarrik eskatzen dizuegu.
Gaika bizi!
Ekimen polita. Dena den hasieran hizkuntza eta herria sartu behar dira, eta Atez ateko bilketarik ez daukagun herrietarako ere interesgarria iruditzen zait, bost edukiontziak behar bezala erabiltzeko. Hedatuta erabilgarriagoa litzatekeela uste dut,.