Bageraren Soziolinguistika Solasaldiak (abenduaren 9an Donostian)

Oraingoan HIZKUNTZAK ETA NORTASUNA hartuko dugu gaitzat. Horretarako Bat soziolinguistika aldizkaria, 72. zenbakia, 51-68 orr “Hizkuntza-identitateak identitate berrien baitan. Mahai-ingurua” hartuko dugu oinarritzat. Irakurgaia eskuratu nahi baduzu gurekin jarri harremanetan bagera@bagera.eus helbidera idatziz edo BAGERAren web gunean topa dezakezu dokumentazio atalean.

• Hizkuntza norbanakoaren identitatearen edo nortasunaren osagaia al da? Eta komunitateena?

• Hizkuntza-nortasuna hautatu al daiteke?

• Hizkuntza bat jakiteak hizkuntza-komunitate horren partaide sentiaraztea dakar? Beste hizkuntza bat ikastearekin batera beste nortasuna bereganatu al daiteke?

• Gure hiztun-komunitatearen kasuan nola baloratuko genuke euskal nortasunaren edo euskaltasunaren egoera?

• Euskara transmititzen dugunean (belaunaldi berriei, helduak euskalduntzean) nortasun euskalduna transmititzen ari al gara?

• Nola sustatu euskararekiko nortasun atxikimendua?