Teknologia albisteak

Maiatzaren 23an, Euskararen Transmisioari buruzko Mintegia Eibarren

2017-04-27 : 09:25

Eibarren urtero antolatzen den Euskararen Transmisioari buruzko mintegiak 7. edizioa izango du aurtengoa. Mintegia euskara elkarteetako kide, udaletako euskara teknikari, aisialdi taldeetako ordezkari, irakasle eta abarri zuzenduta dago eta 100 bat lagun batzen gara. Aurtengo mintegia maitzaren 23an izango da, goizeko 9etan hasita. Egitaraua dagoeneko prest dago eta izen-ematea ere ireki da

Euskararen erabileraz arduratzen garenok, ezin dugu erabilerarako ezinbestekoa den transmisioaren gakoa alde batera utzi, transmisioak gaitasuna ez ezik, hizkuntzarekiko baloreak eta ardura ere dakartzalako. Dakiguna gure ondorengoei ematen diegunean hizkuntza horrekiko begirunea erakusten diegu, balio duela esaten ari gara eta eurona ere badela adierazten diegu.

Transmisioa hain garrantzitsua izanik, ezinbestekoa da alor hau aintzat hartzea, modu estrategikoan lantzea, eta plangitzak definitzea. Horregatik, mintegi honen bitartez, honen gainean dauden esperientzia eta praktika onak elkarbanatu eta ezagutarazteaz gain, gaiari buruz eztabaida eta lan ildoak definitu nahiko genituzke.

2011. urtean antolatu genuen lehenengo mintegia, eta aurtengoa 7. edizioa izango da. Maiatzaren 23an izango da, goizeko 9etan hasita, Eibarko Portalea kultur etxean.  Izena emateko eta jarraibideak, etakitto.eus webgunean

Hauxe izango da egitaraua:

  • 08:45 - 09:00: Akreditazioa eta dokumentazioa.
  • 09:00 - 09:15: Ongietorria.
  • 09:20 - 10:05: “Hiztun berriek erabiltzen dute euskara?: Hizkuntza-ohitura eta beste gako batzuen eragina”. Estibaliz Amorrortu. Deustuko Unibertsitatea.
  • 10:10- 10:35: “Guraso ia euskaldunak eta euskara”
    Arrate Gisasola. Ebete-ko kidea.
  • 10:40 - 11:05: “Herrigintzaz eta irrgintzaz”
    Jose Mari Agirretxe. Porrotx.
  • 11:10 - 11:35: “Agurainen, egunerokoan, 75 ordu euskaraz”
    Asier Lafuente. Ekimenaren antolakuntzako kidea.
  • 11:40 - 12:05: “Argia ikastola: Erriberan etorkizuna ereiten”
    Argiñe Korta eta Maru Eriz. Argia Ikastola.
  • 12:05 - 12:20: ATSEDENALDIA
  • 12:25 - 12:50: “Euskara eta plazerra lotuz etorri berriei `harrera ona´egin”
    Maite Asensio. Urtxintxa Eskola.
  • 12:55 - 13:35: "Hizkuntzen trataera migratzaileen harreran, administrazioz kanpoko eragileen eskutik"
    Mario Zapata. Soziologo.
  • 13:40 - 14:25: MAHAINGURUA: Estibaliz Amorrortu, Arrate Gisasola, Maite Asensio eta Mario Zapata
    Dinamizatzaile: JAIME ALTUNA.
  • 14:30: AGURRA
  • 14:35: BAZKARIA

 

Erantzun

Twitter ikonoa  Facebook ikonoa  Sartu