ReviB RCP: Android gailuentzako aplikazio bat bizitzak salbatzeko balio dezakeena

Aplikazioaren helburua BBB nola egin behar den irakastea da. Horretarako pausoz pauso joango da eginbeharrak azaltzen gauza gutxi batzuk erabiltzaileei galdetuz. Pauso gehienak era automatiko batean joango dira azaltzen erabiltzaileak eskuak libre eduki ditzan eta prozesua ahalik eta errezen egiteko. 112 telefonora deitzeko momentu egokiena ere esango dizu, anbulantzia baten eske deitzeko.

Aplikazioa

Android plataforma duten tablet eta sakeleko telefonoetarako garatu den aplikazio bat da ReviB RCP. Euskaraz, ingelesez eta gastelaniaz erabili daiteke, gailuaren defektuzko hizkuntza hartzen du hasiera batean, baina menuaren bitartez 3 hizkuntzetako edozein aukeratu daiteke. Ingelesezko atala bukatu gabe dago, audioak grabatu barik ditu eta. Hala ere, espero da aste gutxi batzutan ingeleseko atala bukaturik egotea.

Larrialdeetan adituak diren Leire Ruiz eta Nuria Fernandezek berrikusi dituzte aplikazioak azaltzen dituen pausuak, 2010eko ERC Bihotz-Biriketako berpizteen jarraibideen arabera.

Lizentzia

Software askeko aplikazioa da, GPLv2.0 lizentziapean garatua Alain Perezen eskutik . GitHub plataforman aurkitu daiteke ReviB RCP proiektua.

BBBko Irudiak Inés Fernandezek marraztu ditu eta Creative Commons 3.0 (Attributtion, Share alike, Non commertial)  lizentziapean daude eskuragarri.