Iruñeko Udalak errekurtsoa jarrita dauka pasealeku baten izena berriz ere gaztelania hutsean paratzeko.

Aurretik, hiritar helegileak exekuzioa eskatu zuen eta Iruñeko Udalak erantzun zuen ez zuela elebidu jarriko, Administrazioarekiko Auzien Epaitegian Ebazpena errekurrituta duelako. Administrazio-egintzak betebeharrekoak direla gogoratu dio Nafarroako Administrazio Auzitegiak (Nafarroako Gobernuaren organoa da, epaileen funtzioen antzekoak eduki arren, udalen egintza administratiboen kontrola egiten baitu).

Iruñeko Udalak errekurtsoa aurkezteak ez dakar berarekin aurkaratutako egintzaren etendura: Horixe oroitarazi zio Nafarroako Administrazio Auzitegiak Iruñeko Udalari.

Azkenean Iruñeko Udalak amore eman du eta bi kartelak elebidun jarri ditu. Hori bai, Administrazioarekiko Auzien Epaitegian borrokatzen segituko du, kartelak gaztelania hutsean berriz paratzeko, Iruñeko Udalaren tesia: Pasealekuaren izen propioa ‘25 de noviembre’ omen da eta izen propioak ez dira itzultzen; alkatearen eskumena da kaleei izena ematea, eta gaztelania hutsean jartzen badu, kalearen izen propioa gaztelaniazko izen hori da eta ez dago itzultzerik.

Iruñeko Udaleko Euskararen Ordenantzak dio karrikaren izenak elebidun jarri behar direla, baina UPNren arabera, alkateak berrizenda ditzake kale guztiak eta gaztelania hutsean ipini. Administrazioarkekiko Auzien epaileak erabakiko du. Dena den, dagoeneko ‘Azroaren 25’ pazealekuko plakak elebidun daude.