Euskal Herria, munduan liburu gehien argitaratzen duten herrialdeen artean
Hemen daukazue Nazioarteko Editoreen Elkarteak (International Publishers) emandako datuen laburpena (txosten osoa PDF honetan). Liburu gehien argitaratu dituzten estatuen artean, aurreneko 2 postuetan herrialde erraldoiak daude: Txina (440.000) eta Estatu Batuak (304.912), liburu berriak eta berrargitalpenak kontuan hartuta. Hirugarren postuan Erresuma Batua dago (184.000), Europako herrialdeen artean aurrenekoa. Bere atzetik datoz munduko beste herrialde aberatsenetako batzuk, Errusia, Alemania eta Japonia; eta juxtu euren atzetik Espainia (76.000 titulu) eta Frantzia (66.000).
| China | 444000 |
| United States | 304912 |
| United Kingdom | 184000 |
| Russia | 101981 |
| Germany | 93600 |
| Japan | 77910 |
| Spain | 76434 |
| France | 66527 |
| Italy | 61100 |
| Turkey | 42626 |
| Taiwan | 42118 |
| Korea | 39767 |
| Indonesia | 30000 |
| Australia | 28234 |
| Argentina | 26387 |
| Vietnam | 24589 |
| Mexico | 23948 |
| Ukraine | 21500 |
| Brazil | 21085 |
| Malaysia | 19171 |
| Czech Republic | 16600 |
| Thailand | 14000 |
| Poland | 13410 |
| Colombia | 10922 |
| Hungary | 9202 |
| Georgia | 7736 |
| Austria | 6811 |
| Norway | 6373 |
| Finland | 3965 |
| Slovenia | 3661 |
| South Afrika | 3653 |
| Pakistan | 3500 |
| New Zealand | 2394 |
Liburu-ekoizpena biztanle kopuruaren arabera aztertzen badugu, ordea, eta nobedadeak bakarrik aztertuta, zerrenda asko aldatzen da. Zerrendako lehenengo postuetan, batez, ere, herrialde exportatzaileak daude, Erresuma Batua (2875 nobedade milioi bat biztanleko), Taiwan (1831) eta Espainia (1626), zeintzuek euren produkzioaren zati handi bat kanpoan saltzen duten. Baina herrialde txiki batzuk ere indartsu azaltzen dira, adibidez, Eslovenia, Txekiar Errepublika, Georgia eta Norvegia. Estatu Batuak, aldiz, 12. postura jaisten da, eta Txina 25.era.
Titulu berriak milioi bat biztanleko
| United Kingdom | 2875 |
| Taiwan | 1831 |
| Slovenia | 1831 |
| Spain | 1626 |
| Georgia | 1547 |
| Czech Republic | 1509 |
| Norway | 1275 |
| Australia | 1176 |
| Germany | 1156 |
| France | 1008 |
| Italy | 1002 |
| United States | 959 |
| Hungary | 920 |
| Korea | 795 |
| Finland | 793 |
Harrigarria da, hala ere, zerrenda horretan Islandia ez azaltzea, ziurrenik munduan gehien idazten eta irakurtzen duen herria. Urtero 1000 liburu berri inguru argitaratzen ditu, 320.000 biztanle izanik. Hortaz, gutxi gorabehera 3000 nobedade argitaratzen dituzte miloi bat biztanleko, aurreko guztiek baino gehiago.
Eta Euskal Herria?
Eta Euskal Herria? Non legoke euskarazko produkzioa? Euskal Herrian orotara argitaratzen diren liburuen kopurua lortzea ez da hain erraza, baina euskarazkoa urtero neurtzen du Jakinek. 2008a izan zen historiako onena, baina harrezkero jaitsi egin da liburu-ekoizpena (gora-beherekin). Hala ere, urtero 2000 liburutik gora argitaratzen dira euskaraz, gehienak nobedadeak.
| URTEA | ARGITALPENAK | NOBEDADEAK |
| 2008 | 2597 | 1844 |
| 2009 | 2363 | 1678 |
| 2010 | 2111 | 1594 |
| 2011 | 2246 | 1628 |
| 2012 | 2005 | 1383 |
Gutxi? Asko? Beste herrialdeetan bezala, biztanleen araberako datuak ateratzen baditugu**, eta 2012ko datuak kontuan hartuta, emaitza argigarriagoa da:
Urteroko argitalpen berriak milioi bat biztanleko
| Islandia | 3112 |
| Erresuma Batua | 2875 |
| Euskal Herria | 1976 |
| Taiwan | 1831 |
| Eslovenia | 1831 |
| Espainia | 1626 |
| Georgia | 1547 |
| Txekiar Errepublika | 1509 |
| Norvegia | 1275 |
| Australia | 1176 |
Hortaz, datuak oker ez badaude, mundu mailako podiumean daude euskal idazle eta argitaratzaileak. Zorionak!
** Oharra: 700.000 euskaldun garela hartu dugu oinarritzat; inkesten arabera, 600.000-800.000 euskaldun inguruko kopurua erabili izan da, eskuarki.
Oso datu interesgarriak plazaratu dituzue. Eta Twitterren honen inguruan egindako galderen harira: argitaratu bai baina irakurri? Zenbat irakurtzen da? https://twitter.com/txargain/status/530650464296005632
Agian interesgarria da, Patxi Juaristi soziologoak 2013an argitaratu zituen bi artikulu hauek: "Zenbatek kontsumitzen dute euskal kultura?" (Karmel aldizkarian, 282. alea) eta "Euskal kulturaren kontsumitzaileen azterketa kuantitatiboa" (Inguruak aldizkaria, 54. alea).
Juaristik egindako lanetan aipatzen duenez: "...hipotesi gisa esan genezake 4.000 - 5.000 pertsonek osatzen dutela euskarazko liburuen irakurleen
komunitatea; hau da, euskaldungoaren % 0,6 eta % 0,7 artean."
Datu hori emateko Jaurlaritzaren "Hábitos de lectura y compra de libros
en Euskadi txostenak", Durangoko azokan euskal idazle irakurrienen salmenta datuak eta Euskal Editoreen Elkarteak emandako datuak izan zituen kontua.