Teknologia albisteak
ON musika taldeak disko berria argitaratzeko crowdfundinga
2014-09-03 : 10:29
ON musika taldeak, karena.eu euskarazko crowdfunding plataforma erabiliz bere bigarren diskoa kaleratzeko finantziaketa lortzeko kanpaina hasi berri du. Hona hemen diskoaren berri:
Duela pare bat urte ON taldea sortu nuen, nire amorruak, kezkak, ezinegonak, eta barruan bizirik ditudan mamuak askatzeko eta zuekin konpartitzeko asmoz. Urte horien bueltan, Euskal Herriko ehunka txokotan aritu eta rockeatu eta gero, Ekhi Vegas, Ekaitz Vegas eta hiruok ONen bigarren lana grabatu dugu eta autoekoizpenaren bitartez argitaratuko dugu, udazken honetan. Inoiz baino ilusio handiagoarekin eta indartsu gatoz. 11 kantaz osatutako lan borobila. Gure diskoa argitaratzen laguntzen badiguzu, gure esker ona erakutsiz oparitxo bat bidaliko dizugu.
Hauek dira gure eskaintzak:
- 5 euroren trukean: diskoa era digitalean bidaliko dizugu urrian zehar.
- 10 euroren trukean: diskoa era digitalean jasoko duzu urrian zehar + disko fisikoa eta kamiseta bat opari, posta arruntaz.
Lagun gaitzazu, eta izan gure bidelagun!
Egin ONkide!!!!
IRAILAREN 3TIK URRIAREN 11 ARTE GURE BIDELAGUN EGITEKO EPEA ZABALIK HONAKO ESTEKAN: KARENA
Erantzun
Sartu