Umap Iturriak: euskaldunok Twitterren partekatzen ditugun loturen jarraipena
Codesyntaxen garatu dugun UMAP aplikazioan berrikuntzak plazaratu ditugu azken egunotan. UMAP Iturriak atala berregituratu eta indartu dugu, euskaldunok Twitterren partekatzen ditugun lotura edo iturri informatiboen inguruko estatistikekin. Egunez egun (eta hilez hil) euskaldunok zer hedabide eta iturri partekatzen ditugun, zer neurritan, zenbat URL ezberdin iturri bakoitzeko, eta abar. Azken batean, Twitterren gabiltzan euskaldunontzat zeintzuk diren gure erreferentziazko iturriak, eta bakoitza zer neurritan.
- Orduz ordu partekatu ditugun URLen kopurua.
- Zer iturri partekatu ditugun, eta bakoitza zenbat aldiz.
- Iturri bakoitzetik zenbat URL ezberdin partekatu ditugun (datu honek, neurri batean, hedabide edo iturri batek sortutako edukiaren gutxi gorabeherako kopurua ere emango digu).
- Iturri horren URL bakoitza, bataz beste, zenbat aldiz partekatu den (nolabait esateko, hedabide edo iturri horren interesaren neurria).
- Iturri/hedabide bakoitzak guztien artean daukan pisua.
Guztia irakurri (codesyntax.com) »»
Txioak (31) | Erantzun 1
-
Asier Sarasua @asarasua | 2015-02-26 13:53
Umap Iturriak: euskaldunok Twitterren partekatzen ditugun loturen jarraipena eta azterketa: codesyntax.com/eu/bloga/umap-… @codesyntax @umapEU
Marijo Deogracias @desplazatua | 2015-02-26 20:28
@asarasua @codesyntax @umapEU "euskaldunok ia ez dugula partekatzen gaztelaniazko hedabiderik (euskaraz txiokatzen dugunean)" #daflipat
Asier Sarasua @asarasua | 2015-02-26 21:29
@desplazatua Erderaz txiokatzen dittugula, beraz. Baina ez, euskeraz ez dittugu ia txiokatzen DV, Correo, Mundo... @codesyntax @umapEU
Marijo Deogracias @desplazatua | 2015-02-26 22:17
@asarasua euskaraz komentatzen genituela esango nuke, galdetuz gero:) Sorpresia. @codesyntax @umapEU
Uxune Martinez @UxuneM | 2015-02-26 22:23
@asarasua oso interesgarria da jarraipen hau. Niretzako behintzat oso tresna erabilgarria da. Mila esker! @codesyntax @umapEU
Lorea Arakistain @loreaarakistain | 2015-02-26 22:42
@asarasua @codesyntax @umapEU Edo irakurri arren, itxuragatik edo, ez ditugula partekatzen.
Asier Sarasua @asarasua | 2015-02-27 09:01
@loreaarakistain Horrelakorik ere izango da ;-) @codesyntax @umapEU
Asier Sarasua @asarasua | 2015-02-27 10:25
@UxuneM Eskerrik asko Uxune! Datorren astean datu gehiago ;-) @codesyntax @umapEU
-
Umap Euskaraz @umapEU | 2015-02-26 17:58
Umap Iturriak: euskaldunok Twitterren partekatzen ditugun loturen jarraipena eta azterketa: codesyntax.com/eu/bloga/umap-… #Umap
-
Eneko Astigarraga @eastigarraga | 2015-02-27 08:12
Umap Iturriak: euskaldunok Twitterren partekatzen ditugun loturen jarraipena codesyntax.com/eu/bloga/umap-… via @codesyntax by @asarasua
-
Sustatu Albisteak @Sustatu | 2015-02-27 10:30
Umap Iturriak: euskaldunok Twitterren partekatzen ditugun lotur... via @asarasua | codesyntax.com/eu/bloga/umap-… | sustatu.eus/1424978766715
-
Ingumak laborategian @Ingumakeriak | 2015-02-27 10:54
Umap Iturriak: euskaldunok Twitterren partekatzen ditugun loturen jarraipena @codesyntax @asarasua ttiki.com/337281
Artikuluan, irudi grafikoetan adibidea jartzen da Sustatu eta Zuzeu konparatzekoa. Grafikoak adierazten duena da, partekatzen diren mila URL euskaldunetatik, zenbat diren medio batekoak edo bestekoak
http://umap.eu/iturriak/sustatu.eus/zuzeu.eus
Grafikoaz gain, taulan ere badago zeri erreparatu
URL desberdin gehiago partekatzen dira Sustatukoak Zuzeukoak baino, baina, era berean, Zuzeuko eduki bakoitza, bataz beste, gehiago partekatzen da Sustatukoa baino. URL desberdinen kopuruak adieraz dezake, beharbada, euskarazko zenbat eduki sortzen duen medio batek hilabete jakin batean (nahiz eta lehenagoko esteka zaharragoak ere banatuko ziren, beharbada), eta aldiz, bataz besteko partekatzeak adieraz dezake zabaltzen denak interes gehiago edo gutxiago duela. Kasu honetan, interesgarriagoa dirudi Zuzeuko edukiak Sustatukoak baino.
Beste bi hedabide konparatuz gero, Berria eta EITB, taulak adierazten digu EITBk askoz eduki gehiago sortzen duela, baina partekatze gutxi lortzen dute, Berriarekin alderatuta.
http://umap.eu/iturriak/eitb.eus/berria.eus