Teknofiloen albistegia
5

Quantum: Einstein, Bohr eta errealitatearen izaeraren inguruko eztabaida handia dibulgazio-liburua argitaratu berri du Elhuyar Fundazioak

Erabiltzailearen aurpegia
Elhuyar Fundazioa
2011-12-08 : 10:12

Elhuyar Fundazioak Manjit Kumar fisikari eta filosofo indiarraren Quantum: Einstein, Bohr eta errealitatearen inguruko eztabaida handia dibulgazio-liburua argitaratu berri du, euskaraz, eta Durangoko Liburu eta Disko Azokan dago salgai. Publiko orokorrari dago zuzendua zientzia-dibulgazioko liburu hau, “Z izpiak” serieko hirugarrena.

Fisika eta filosofia dira liburu honen ardatz nagusiak. Einsteinen, Bohrren eta beste zenbait zientzialariren nortasunak erakusten dizkigu istorio honek. Drama, tragedia, irrika, ustekabeko gertaerak, ekintza heroikoak eta beste zenbait ezaugarri ditu, eta horiei esker, ez da eduki zientifikoko edo dibulgazio zientifiko hutseko liburua, nahiz eta informazio asko dagoen mekanika kuantikoari buruz. Liburu historiko edo biografiko baten antzera antolatuta dago; pertsonaia (aditu) bakoitzaren nortasuna zehatz azaltzen du, eta bakoitzaren izaerak nolako eragina duen aurkikuntzaren garapenean edo aurkikuntzan bertan: Planken kontserbadurismoak azpimarratu egiten du aurkikuntza; Pauliren adimena eta umore txarra erabakigarriak izan ziren; Bohrren irmotasuna eta lotsa, berriz, ezinbestekoak; Eisnteinen irudikapenak eta askatasunak polemika bizirik iraunarazi… Horiez gain, Heisenberg, Shröringer, Dirac, Born, Bohr, Compton, De Broglie, Sommerfeld, Lorentz, Boltzmann, Rutherford, Uhlenbeck, Goudsmith, Bell eta abarren izaerak ederki jasotzen ditu liburuak, eta haien erretratu zuzena egiten du.

Dagoeneko salgai dago liburua, 15 €-an, Elhuyarren on lineko dendan eta Durangoko Azokan bertan. Datorren astetik aurrera, liburu-denda nagusietan ere izango duzue.

Gipuzkoako Foru Aldundiaren Euskara Sailaren laguntza jaso du argitalpenak.

Erantzunak

Jeronimo
2011-12-08 : 23:56

Ez dut itzultzailearen arrastorik aurkitu ez albistean, ez Elhuyarren webgunean; liburuaren azalean ere ez da ageri... Pentsatzen hasita nago agian Manjit Kumar bera izan dela euskarazko testua prestatu duena...

Juan Etxenike
2011-12-11 : 19:10

Ingelesezko bertsioa eskuratu eta irakurri nuen. Eta benetan interesgarria da. Azken mende honetako iraultza zientifiko garrantzitsuena Europak ezagutu zituen garai tragikoenetan eman zen. Halaber, Manjit Kumarrek garai hartako giro politiko eta zientzilarien harremanetan duen eragina ederki deskribatzen du.



Elhuyar Fundazioa
2011-12-12 : 11:01

Euskarazko liburuaren itzultzailea Iñaki Iñurrieta izan da. Azalean ez dator itzultzailearen izena, baina bai liburuan bertan lehenenego orrian.

Jeronimo
2011-12-14 : 10:06

Estimatuta dago informazioa. Benetan.

ibai iztueta
2012-01-03 : 21:29

Ari gara liburuarekin eta, zoratzen, bikaina. Bidenabar, Iñaki Iñurrietaren itzulpena lana ere benetan aparta eta gozagarria!

Erantzun

Twitter ikonoa  Facebook ikonoa  Sartu

Publizitatea

Azken erantzunak

Askoren bizipenak dira artikulu honetan jasotze... (floresena)
Software librera pasatzeare..., 2016-05-20
Erabiltzailearen aurpegia
Albistean aipatzen den material ugaria biltegir... (PanderetaZalea ||*||)
'Basque Radio Program' eusk..., 2016-02-18
Erabiltzailearen aurpegia
Kaixo Urtzi, Lehenik eta behin eskerrik asko... (dabidnet)
Software librera pasatzeare..., 2016-05-20
@urtzai aspaldi zabaldu nuen nire inguruan ni i... (ziztazale)
Software librera pasatzeare..., 2016-05-20
Kaixo, Plataformaren garatzaileetako... (Iñaki San Vicente)
Partaidetza errazteko tekno..., 2016-05-11

»» Jardun osoa

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago