Teknologia albisteak

Durangoko Azokaren sormen beka, ikus-entzunezkoei begira aurten

Sustatu
atzo : 15:53

Aurtengo Durangoko Azokak formatu desberdina izango du halabeharrez, eta online bertsioa indartu egingo da. Baina gauza batek aurreko edizioetakoari jarraituko dio: DA! Sormen Beka egongo da. Euskarazko sorkuntza sustatzea eta sortzaile berriei bidea erraztea da beka honen helburua. Gerediaga Elkarteak eta Durangoko Udalak antolatu eta finantziatzen dute deialdia.

Publizitatea

Telegrameko euskal kanal irekietara sartzeko, aurrebista praktiko bat

Sustatu
2020-08-13 : 09:37

Ion Lizarazu informatikariaren bitartez jakin dugu Telegram mezularitza zerbitzuak aukera bat duela, harpidetza-kanal publikoek duten edukia zuzenean ikuskatzekoa, harpidetu aurretik. Funtzio praktiko bat, ikusteko ea bidaltzen dutena interesekoa den, kadentzia egokian bidaltzen duten (gutxiegi edo gehiegi zure gustorako)... Norabide bakarreko kanal informatiboekin bakarrik funtzionatzen du, ez eztabaida taldeekin.

Korodata, herriz herriko Covid-19 datuak ematen dituen bot euskalduna

Sustatu
2020-08-12 : 10:58

Programatzaile euskaldun batek Korodata izeneko bot bat sortu du Twitter eta Telegram bidez datuak emateko, euskaraz. Eusko Jaurlaritzak irekian zabaltzen dituen datuak modu atomatikoan kudeatu eta hortik grafika batzuk sortzen dituzten tresnak dira, eta herriz herriko datuak ematen dituzte Araba, Bizkaia eta Gipuzkoarako.

Txillardegi-Hausnartu soziolinguistika saria 2020

Sustatu
2020-08-11 : 16:30

Irailaren 18a arte dago irekita Txillardegi-Hausnartu soziolinguistika sarietara aurkezteko epea. oziolinguistika Klusterrak eta Euskal Herriko Unibertsitateak antolatzen dute lehiaketa eta bere helburua da euskal soziolinguistika teorikoaren eta metodologikoaren garapena eta berrikuntza.

Euskararen Etxeko 'Hizkibridoak', ber-programatuta

Sustatu
2020-08-10 : 17:43

Euskararen Etxea, Bilbon 2004tik dagoen zentro publikoa, otsailean berrireki zen, Sustatun iragarri genuen bezala. Baina jarraian antolatu zen Hizkibridoak ekitaldi zikloa ezin izan zen gauzatu, Koronabirusaren krisiagatik. Orain berriro programatu dute, udazkenerako.

Gordegia, Donostiako Egia auzoarentzako biltegi digital bat

Sustatu
2020-08-09 : 15:59

Gordegia ekimena Donostiako Egia auzoaren historia dokumentatzeko saio bat da, irudi eta dokumentu pilaketa eta antolaketa eginez auzoaren bizitza eta historia geroratzeko. Gordelaguna izendatu duten bazkidetza doakoaren bidez, argazkiak eta dokumentuak eman diezaizkiokezu proiektuari.

'Non dago Mikel?' dokumentala abian da, Mikel Zabaltzaren desagerpenaz

Sustatu
2020-08-08 : 10:00

Gertu da 'Non dago Mikel?' dokumentala, eta udazkenean espero dute aretoetan agertzea. Post-produkzio lanak burutzen ari dira dagoeneko, eta Amaia Merinok eta Miguel Angel Llamas 'Pitu' zuzendariek errodatuak dituzte jada irudiak. Izar Films ekoiztetxeak irudi horiek EITBren 1985eko artxibo irudiekin osatuko ditu. Mikel Zabalza atxilotu eta hilik agertu bitartean igarotako hogei egunen kontaketa eginen du filmak.

Ausazko orriak Wikipedian, baliabide bitxi bat

Sustatu
2020-08-07 : 10:34

Wikipediaren hizkuntza-bertsio desberdinek daukaten baliabide komun bat ausazko orriarena da. Ez du oso gauza sakona egiteko balio: klikatzen duzun bakoitzean, Wikipediako orri bat ematen dizu ausaz. Serendipia edo txiripaz nabigatzeko modu bat da. Euskaraz, hauxe da ausazko orriaren helbidea eta labut-puntu-eus-etik pasatu dugu: labur.eus/ausazkoa

Microsoft eta Facebookek egin bezala; Googlek ere Bizkairainoko kablea edukiko du

2020-08-06 : 10:12

Joan den astean jakinarazi zen Googlek Atlantikoa zeharkatuko du zuntz-kable indartsu bat jarri nahi duela Estatu Batuen eta Europaren artean, eta muturretako bat Sopelan izango duela. Toki berean du konexioa halako beste kable erraldoi batek, Marea izenekoak. Marea kablea Facebook eta Microsoft enpresen ekimenez jarri zen martxan 2017an, lanak 2016an hasi ondoren.

 

Ispiluak saltzen Interneten

Sustatu
2020-08-05 : 15:57

Milanuncios bezalako iragarki pertsonal zuzenen guneek badute 20 urteko historia Interneten, baina mugikorrarekin bat egin zutenetik, norberak argazkia kargatzeko gaitasunarekin, beste maila batera salto egin dute, eta Wallapo bezalako aplikazio-webgune elementu bikoitzek menderatzen dute merkatua. Dena dela, badago produktu berezi bat halako auto-argazkiekin sustatzen eta saltzen zaila dena: ispiluak. 

Ilgoropilak Hor Zehar, oporretako 'challenge' zirraragarria

Sustatu
2020-08-04 : 10:39

Joxe Rojasen proposamena da: "Opor hauetan, egin #ilgoropil baten argazkia zure oporlekuan (etxean bada ere), partekatu Twitterren #ilgoropilakHorZehar traolarekin, eta parte hartu zozketa mundial batean!" Tematuta dago Rojas 'croissant' esateko, opiltxoaren etimologia eta forma selenitari jarraituz, ILGOROPIL esan behar zaiola euskaraz (Ilgora + opil). Hiztegiek onartu arte ez dut atsedenik Rojasek, eta sustapen kanopaina hau okurritu zaio orain.

Ponpeiako freskoak babesteko ikerketa EHUn

Sustatu
2020-08-03 : 11:23

Duela egun batzuk aipatu genuen nola Marteko Perseverance misioan parte hartu duen EHUko kimikari talde batek, IBEA taldeak (Ikerkuntza eta Berrikuntza Analitikoa). Ez bakarrik espaziora begira, beste kontu batzuetan ere lan egiten dute eta Zientzia Kaiera agerkariak zabaldu du IBEAk Ponpeiako freskoetako margoak kontserbatzeko ikerketa inportanteak egin dituela. Egin dezagun errepaso bat zer nolako lanak iraunarazten lagunduko duen ikerkuntza honek.

Mikel Artetxeren tesia: Itzulpen automatiko gainbegiratu gabea

Sustatu
2020-08-02 : 10:11

Aste honetan Mikel Artetxe informikari euskaldunak bere tesia aurkeztu du, eta oporren bueltan Facebook-eko adimen artifizialeko unitatean hasiko da lanean, Londresen. Artetxe lanean ibili den IXA taldeak azaldu du haren tesiaren nondik norakoa, ekarpen handi bat itzulpengintza automatikoan, bereziki euskararentzat eta korpus elebidun antolatu oso handiak ez dituzten geurea bezalako hizkuntzentzat. Itzulpen automatiko gainbegiratu gabea izan da Artetxeren tesia.

1918ko pandemiaren moda, Errenteriako Jantziaren Zentroan

Sustatu
2020-08-01 : 12:19

Errenteriako Kapitain Etxea kulturetxean Jantziaren Zentroa dago kokatua, jantzien inguruko museo bat. Erakusketa ezin aproposagoa dute egun hauetan: 1918ko gripe espainiarraren pandemiak nola eragin zuen modan, maskara eta abarrez nola babestu ziren gure arbasoak.

Joan Mari Torrealdai hil da

Sustatu
2020-07-31 : 20:18

Bernardo Atxagaren hitzak, 2003koak: "Joan den 2003garrengo otsailaren 20an Joan Mari Torrealdai pantailan ikusi nuenean, makurtuta beso baldarraren zamapean eta buru tapatuta, errezatzeko gogoa egin zitzaidan, nahiz errezatzen ez jakin; pentsatu nuen, sentitu nuen, irudi hura ohizko esparrutik at gelditzen zela, eta ezin zitzaiola berari haserre oihua edo komentario politikoa bakarrik jarraitu". Zenbatek gogoratu dugu irudi hura orain, Joan Mari Torrealdai hil denean, 77 urterekin. Agur eta ohore, euskal kulturaren erraldoiari.

Aurrekoak ››

Publizitatea

Publizitatea

Azken erantzunak

Ni hagitz kontent Zim Wikirekin. Ordenagailurako … (alexgabi62)
Oharrak erraz antolatzeko apl…, 2020-06-22
Erabiltzailearen aurpegia
Eskerrik asko FiloBlogian idatzi nuenaren berri e… (Ricardo Gómez)
1610eko liburu batean, euskar…, 2020-06-06
Erabiltzailearen aurpegia
Akats bat dago azken paragrafoan. Itzultzailea.eu… (Elhuyar )
Gaitasun gehigarriak Itzultza…, 2020-05-21
Ondo dago zuen adibidea euskararen adrebestasun p… (garrett)
Hizkuntzak eta hitzen ordena:…, 2020-05-20
Bai (Nagotxu Beitia Telletxea)
Hogwartseko 'escape room' edo…, 2020-05-05

»» Jardun osoa

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago