'Euskal Herri anitza' oker dagoela dio Euskaltzaindiak: anitz ez da adjektiboa

Anitzek erabilera nagusia zenbatzaile gisa du, eta honela definitzen da: "Asko. (Aditzarekiko komunztadura singularrean nahiz pluralean egin daiteke; izenaren ezkerrean agertzen da gehienean, baina eskuinean ere ezar daiteke; izena mugagabean erabiltzen da beti). Anitz iritzi desberdin. Beste anitz puntu. Sagar ustel anitz. Anitz jende etorri da. Eta hau ez da ene ustea, euskaldun anitzena baizik. Anitz lekutan. Anitz gizonek. Etxe anitzetan. Paraboletara narama premia gorriak, inguruko beste anitz bezala. Anitzek diotenez. Ez dira anitz etorri direnak. Garratza izanen zaie anitzi mintzaira hau. || (Izen sintagma mugatuan). Ipar. Anitzak dira lehenak direnen artean azken izanen direnak. Marinelen emazteak, anitzak senargabeak. Hauta ezazu hobeki gutxia, ezen ez anitza."

Twitterren irudi batekin ere azpimarratu du bere iritzia Euskaltzaindiak: zenbatzaile eta adberbio gisa erabili izan da, eta ez adjektibo hiza. Beraz, gaztelaniazko 'plural' ez da anitz, eta horren ordez zera erabili beharko genuke: askotariko.

Egungo euskararen corpusean kontsulta hemen duzue: Anitz bilaketa. 1989tik aurrera adjektibo gisako adibideak ikus baitaitezke... ez ote da tradizio berri bat hori dagoeneko 2022tik ikusia?

Iruzkin gehigarri batzuk, Twitterretik jasoak geure Saretik atalerako.