Interneteko albistegia

zinema

Maskarak: Ixotz Louyest eta Ainara Ruiz transexual euskaldunen bizipenak

Goio Arana | 2012-06-28 : 12:42 | zinema

Maskarak izeneko dokumental laburrak kontatzen ditu Ixotz Louyest eta Ainara Ruiz transexual euskaldunen bizipenak. Eguneraketa, 2012.06.28: Sustatu berrizteko prozesuk ordu batzuk hartu behar dizkigula ematen du, eta bitartean, gaur, LGTB Harrotasunaren egunean maiatzean atera genuen bideo hau berreskuratuko dugu portadan gera dadin. Zorionak Ixotz eta Ainara, eta LGTB komunitate guztia!! 

'Spot The Translator' nazioarteko bideo-lehiaketaren estreinakoa

EIZIE | 2012-06-09 : 12:06 | zinema

CEATL erakundeak, Europako literatur itzultzaileen elkarteen bilguneak, dei egiten die bideo-sortzaileei bideo labur bizi eta burutsuak sor ditzaten literatur itzultzaileak sustatzeko, bai eta itzultzaileek literaturan duten garrantziaren, zereginaren eta erronken berri zabaltzeko ere. Gehienez ere hiru minutuko bideoak onartuko dira, eta 1.000 euroko saria jasoko du irabazleak. 2012ko irailaren 30ean –Itzulpengintzaren Nazioarteko Egunean– jakinaraziko da nork irabazi duen lehiaketa.

Ikus Facebook-en.

Sua filma estreinatuko dute larunbatean, Arabako Ozaeta herrian

Sustatu | 2012-05-30 : 10:05 | zinema

XVII. mende hasieran Lapurdin izandako inkisizioan du oinarrian Sua euskal filmak. Eneko Aritzaren Lagunak kultur elkarteko kideen eskutik, 2005ean hasi ziren grabaketekin, eta bost eman dituzte horretan, Euskal Herriko zazpi lurraldeak igaroz. Aktoreak ez dira profesionalak, boluntarioak baizik, eta 700 pertsonatik gora jarri dira kamara aurrean. Arabako Ozaeta herrian egingo dute larunbat honetan estreinatu aurreko emanaldia.

Orson Welles Euskal Herrian

Sustatu | 2012-05-27 : 12:05 | zinema

Jakina denez, Orson Welles (1915-1985) Euskal Herrian izan zen 1955ean. Around the world with Orson Welles hainbat dokumentalez osatutako multzo baten baitan, The Land of the basques dokumentala grabatu zuen, eta Youtuben ikusgai dago, sei zatitan banatuta.

Justizia txistulari

Xabier Mendiguren Elizegi | 2012-04-27 : 11:04 | zinema

Giza Eskubideen zinemaldiko pelikula irrikatuenetako bat zen, filmaren esanahiagatik, batetik, eta haren arduradun eta protagonistak guztiz borondatetsu etorri direlako. Give up tomorrow (Etsiko duk bihar) da filma, Paco Larrañagaren kasua azaldu eta salatzera datorrena.

Film ezinezkoak eta nahitaezkoak

Xabier Mendiguren Elizegi | 2012-04-26 : 11:04 | zinema

Aurreko egunetan ikusi eta kritikatu barik utzitako pelikula bi komentatuko ditugu: This is not a film Jafar Panahi irandarrarena, eta Monsieur Lazhar Philippe Falardeau quebectarrarena. Bien artean lotura bat asmatzea gaitza litzatekeenez, banan-banan aipatuko ditut.

Barrura Begiratzeko Leihoak

Zinez.net | 2012-04-25 : 13:04 | zinema

Atzo erakutsi zen lehen aldiz Barrura Begiratzeko Leihoak filmaren trailerra, Donostiako Giza Eskubideen X. Zinemaldian. Atzo erakutsi genuen lehen aldiz Barrura Begiratzeko Leihoak filmaren trailerra, Giza Eskubideen Zinemaldian eta gure webgunean aldi berean. Bost zuzendari ari gara lanean: Josu Martinez, Eneko Olasagasti, Mireia Gabilondo, Txaber Larreategi eta Enara Goikoetxea. Lanak oso aurreratuta daude, eta irailean estrenatuko dugu filma.

Bizitza osoa zulo batean

Xabier Mendiguren Elizegi | 2012-04-25 : 11:04 | zinema

Sorpresa atsegina izan da "30 años de oscuridad" (30 urte ilunpean) film espainiarra, frankistek fusilatuko zituzten beldurrez eta inora alde egin ezinik, etxean gordeta hogeita hamar urte eman zituzten "satorrei" buruzkoa, eta zehazki haietako batean kasuan oinarritua: Manuel Cortes, Mijasko alkatea (Malaga, Andaluzia).

Matxinoei gorazarre

Xabier Mendiguren Elizegi | 2012-04-24 : 10:04 | zinema

Gaur estreinatzen da Ziztadak/Tábanos dokumentala, Euskal Herrian izandako eta oraindik diren desobedientzia zibil edo ezbiolentzia aktibozko esperientziak kontatzen dizkiguna, protagonisten euren ahoz.

Egiaren heroiak

Xabier Mendiguren Elizegi | 2012-04-23 : 12:04 | zinema

Jakin-min eta espektatiba handiz iritsi da Los ojos de la guerra, Roberto Lozano Bruna zuzendari espainiarrak gerrako erreportarien lanaz egindako dokumentala. Seguru asko, ikusi duten gehienen itxarobideak aseta geratuko dira; nik, berriz, ez dakit aurretik susmorik nuen edo ez, baina filmari buruzko zalantza askorekin atera naiz bertatik.

C'est pas la France, ici

Xabier Mendiguren Elizegi | 2012-04-21 : 11:04 | zinema

Donostiako Giza Eskubideen Zinemaldiko irekiera ekitaldirako Mathieu Kassovitz frantziarraren L'ordre et la morale (Ordena eta morala) hautatu dute. Kassovitz aktore eta zuzendariak, La haine (Gorrotoa, 1995) gordin hura egin zuzenetik erakutsi zuen zinema ona eta konprometitua egiten badakiela, eta harakoan banlieu-etako gazte deserrotuen etorkizun beltza erakutsi zuen bezala, ausardia berberaz edo handiagoz egin du orain Kanakiarren zapalketarekin.

Goierri Highlands

Xabier Mendiguren Elizegi | 2012-04-20 : 17:04 | zinema

Gaur hasten da Giza Eskubideen Zinemaldia Donostian, Kassovitz frantziarraren L'ordre et la morale filmarekin hasi ere, baina aurretik, prentsarentzako emanaldi batean ikusi dugu jakin-min handiena piztu duen pelikula: Gazta zati bat, Jon Maiarena.

Ostegunean hasiko da LABURBIRAren 9. edizioa

Topagunea Euskara Elkarteen Federazioa | 2012-02-29 : 09:02 | zinema

2012ko LABURBIRAk 30 emanaldi eskainiko ditu herriz herri, martxoaren 1etik apirilaren 2ra bitartean. Gehienak Euskal Herriko herri eta hirietan izango dira, baina Madril, Londres eta Parisen ere izango dira proiekzioak.

"Xora", Zubererazko lehenengo filmaren trailerra ikusgai sarean

Sustatu | 2012-02-22 : 09:02 | zinema

Joan zen astetik sarean dugu ikusgai Xora filmaren trailerra. Zuberoan eta zubereraz grabatutako lehenengo filma da. Udan Maule eta Larraine inguruan grabatua, datozen hilabeteotan aurkeztuko da. Peio Cachenaut gidoilari eta zuzendariaren fikziozko lanak "mundu berezi, ilun eta korapilo asko dituena" azalduko du. Oraingoz trailerra ikus dezakegu sarean.

Les.Gay.Trans Zinemaldia, gaur Donostiako Antzoki Zaharrean

Sustatu | 2012-02-16 : 09:02 | zinema

Gaur, otsailaren 16, osteguna, Glam Zinemaldia-6. EHGAM Les Gay-Trans Zinemaldiaren barruan egiten diren ekintzeen artean film labur saio berezi bat eskainiko da Antzoki Zaharrean 20:00etatik aurrera. Zinemaldia EHGAMek antolatutakoa da, Donostia Kultura eta Zinegoak 2012ren laguntzarekin. Guztira 7 film labur ikusi ahal izango dira, beste horrenbeste herrialdetakoak, denak ere gay, lesbiana eta transexualen gaiak jorratzen dituztenak.

Euskarazko film eta dokumentalen zikloa Zarautzen

Sustatu | 2012-01-27 : 09:01 | zinema

Zarauzko Udaleko Hezkuntza eta Kultura sailek Zinemapean zikloa antolatu dute. Urtarrilean hasi eta ekainera bitartean hamaika film eta dokumental ikusi ahal izango dira Zarautzen, Argia Dokumentalak eta Filmazpit egitasmoekin elkarlanean. Emanaldiak igandetan izango dira, hamabostean behin, eta euskaraz sortutako dokumentalak eta filmak edota euskarazko azpidatziak dituztenak izango dira ikusgai.

Star Wars filmaren remake bat, zaleen eskutik

Sustatu | 2012-01-23 : 12:01 | zinema

Duela hiru urte, Casey Pugh-ek eta Jamie Wilkinson-ek abentura bitxi eta liluragarria abiatu zuten. Izarretako Gerra (Star Wars) filma 15 segundutako 473 pasartetan zatitu zuten eta zaleei laguntza eskatu zieten, bakoitzak pasartetxo hori bere modura bertsionatu zezan. Emaitza bikaina izan da, zaleek sortutako remake harrigarria. Ostiralaz geroztik azken emaitza sarean ikusteko aukera daukagu:

Huhezinema eta Euspot euskarazko spot lehiaketa abian dira

Gorka Etxabe, Arteman Komunikazioa | 2012-01-22 : 11:01 | zinema

Aurtengo edizioan berrikuntza ugari izango ditu Huhezinemak. Berrikuntzen artean nabarmenena izango da Euspot Euskarazko Spot Lehiaketaren sorkuntza. MUrekin batera, Aretxabaletako Udalak eta Arteman Komunikazioa kooperatibak bultzatu dute Euspoten lehenengo edizioa.

'Agur Esatea': crowdfunding-arekin huts egin arren aurrera goaz, zuen laguntzarekin ahal bada

Matt Richards eta Izaskun Arandia | 2012-01-09 : 16:01 | zinema

Ordu gutxi batzuk geratzen zaizkigu Agur Esatea edo To Say Goodbye filmaren aldeko gure Kickstarter kanpainaren epea bukatzeko. Gure kanpainaren jarraipena egin baduzu jakingo duzu ia ezinezkoa izango dela gure helburua lortzea. Hau etsigarria den arren, izugarrizko inspirazioa eta motibazioa jaso dugu zuk bezala proiektu honekiko eskuzabaltasun hunkigarria izan duen jendeagatik. Benetan harrituta geratu gara jaso dugun laguntza eta sostenguagatik eta ezin dizugu nahikoa eskertu.

Euskarazko azpidatzien urtea izan da 2011.a

Luistxo Fernandez, Azpitituluak.com | 2011-12-20 : 08:12 | zinema

2008an sortu zen Azpitituluak Euskaraz ekimena, eta 2010 amaitu bitartean, apenas 40 film oso eta beste atalen batzuk gehitu ziren. 2011. urtea, berriz, 164 film osorekin eta telesail sorta polit batekin itxi behar dugu. Top 2011 inkesta egiten ere ausartu gara, euskaraturiko film onena aukeratzeko.

Aurrekoak ››