Interneteko albistegia

teknologia

Kulturmapp: Euskal Herriko ondarea sakelean

Euskomedia Fundazioa | 2012-06-15 : 13:06 | teknologia

Euskomedia Fundazioak smartphone telefonoetarako KulturMapp aplikazioa sortu du.Tresnaren helburua Euskal Herriko kaleak gure ondarearen erakusleiho bihurtzea da. Klik bat eginez erabiltzaileak hirietako zein herrietako kultura, ondare edota turismo edukien gaineko informazioa eskuratzen du modu arin eta erosoan. Une honetan Euskal Herri osoko 175 interes gune baino gehiago biltzen ditu, eta 400 irudi inguru eskaintzen ditu. Aplikazioa doakoa da eta, momentuz, Android sistema eragilea duten sakelakoetan erabil daiteke.

.EUS domeinua hurrengo fasera igaro da

Sustatu | 2012-06-13 : 16:06 | teknologia

Duela minutu eskas jakinarazi du ICANN erakundeak hurrengo fasera igaro diren domeinuen zerrenda, eta tartean da .eus. ICANNek urtarrilean ireki zuen domeinuak eskatzeko aukera eta 1930 izen aurkeztu ziren, tartean .eus. Fase administratiboa igarota, baldintza guztiak bete dituztenen zerrenda aurkeztu da gaur. Azkenengo erabakia urte bukaeran jakinaraziko dute.

Appoteo: poteoak errazteko android aplikazioa

Sustatu | 2012-05-30 : 18:05 | teknologia

Kuadrila handietan poteatzean sortzen den arazoa: paper eta boligrafo baten bila ibili behar gero edari guztiak tabernan eskatzeko. Gaur egun gure telefono mugikorretan denetik egiten duten aplikazioak ditugu, eta poteoa errazteko beste bat sortu du lagun talde batek Androiderako: Appoteo. Lau taldetan sailkatuta daude edariak: txikiak, normalak, sobremesa eta konbinatuak. Aplikazio sinple eta erabilgarria, euskaraz.

EraldaLAB Andoainen: larunbateko jardunaldien kronika

Sustatu | 2012-05-15 : 17:05 | teknologia

Auzolana, euskara eta teknologia: horiek izan ziren larunbatean Andoain tESL izenburupean ospatu ziren EraldaLAB jardunaldien ardatzak. Olatu talka eta Kilometroak 2012 ekimenen barnean egin zen jardunaldi hau: hitzaldi laburrak, bazkaria eta tailerrak antolatu zituzten, egunpasa ederra osatuz. Denbora mugatua izan arren, hausnarketarako tartea izan zen, etorkizunera begira jarraitu beharreko ildoen inguruan. Sustatu ere hantxe izan zen, Twitter bidezko kronika eginez, eta oraingoan hona hemen larunbatekoaren laburpena (EraldaLAB webgunean ere laburpenak, bideoak eta argazkiak aurkituko dituzu).


Argazkiak.org | Aurkezpena © cc-by-sa: sustatu

Swÿp: gailu ezberdinen artean fitxategiak trukatzeko tresna... hatzen mugimendu hutsez

Sustatu | 2012-05-14 : 11:05 | teknologia

Hainbat gailu dituzula (tableta, smartphonea...) eta horien artean argazkiak edo fitxategiak trukatu nahi dituzula? Esku hutsez egin ahal izateko programa garatu dute: Swÿp transfer with a swipe of a finger. Ipini bi gailuak elkarren ondoan eta hatz kolpe bakarraz eraman ditzakezu fitxategiak batetik bestera. Oraingoz garapen fasean dago eta iOS-ekin bakarrik dabil.

Materialen inguruko azken aurrerapenak

Joxemi Campillo, Kongresuaren antolatzaileen izenean | 2012-04-29 : 16:04 | teknologia

Maiatzaren 3an eta 4ean, Materialen Zientzia eta Teknologiaren I. Kongresua burutuko da Arrasateko GARAIA berrikuntza gunean. Kongresua euskaraz egingo da, eta bertan, materialekin lan egiten duten edo erlazioa duten 75 ikerlari euskaldunek parte hartuko dute.

Ordenagailuak 30 euroan salgai

Sustatu | 2012-03-02 : 09:03 | teknologia

Raspberry Pi fundazio britainiarrak aste honetan bertan jakinarazi duenez, dagoeneko egia bihurtu da duela 6 urte abiarazi zuten proiektua: 30 euroko prezio izango duten ordenagailuak. Oraindik produkzio-fasean daude (datozen egunotan bukatuko omen da), baina dagoeneko eskaerak egin daitezke euren webgunean. Proiektu honen helburua da, ordenagailuak eta teknologia berriak munduko bazter guztietara zabaldu ahal izatea. Proiektua hardware libreko (open-hardware) Arduino plataforman oinarrituta edo inspiratuta dago.

Liburuaren aurkezpena (Robot mugikorrak - Oinarriak), robot eta guzti

UEU eta UPV/EHUko Informatika Fakultatea | 2012-03-01 : 14:03 | teknologia

Jakina da literatura eta komikiak eragin handia izan dutela robotikan, eta baita lan honetan ere: Iban Zalduaren Orbangabe sarrerako ipuina eta Antton Olariagaren komiki-tirak topatuko ditu irakurleak liburu honetan: Robot mugikorrak, Oinarriak. Egile-taldearekin batera R-bot eta Xibot LEGO piezekin eraikitako robot mugikorrak ere izango dira.

BerbaTek proiektuko demoen zehaztasunak

Igor Leturia (BerbaTek proiektua) | 2012-02-17 : 10:02 | teknologia

Aurreko astean aurkeztu genituen jendaurrean BerbaTek proiektuaren emaitzak. Bertan, ikerketa asko egin da euskararentzako hizkuntza-, ahots- eta multimedia-teknologietan, baina emaitzarik ikusgarri eta deigarrienak muntatu ditugun hiru demoak izan dira. Artikulu honetan duzu zehaztasun gehiago demo hauen inguruan.


Argazkiak.org | Irakaskuntza tutorearen demoa © cc-by-sa: ileturia

Ideia Laborategi erraldoia Donostian

GAZE | 2012-02-06 : 09:02 | teknologia

Datorren ostegunean, otsailaren 9an, GAZEk INITIATIVE SESSION 3.0 delako ekitaldia antolatu du goi hezkuntzako ikasle eta irakasleentzat. Donostiako San Telmo museoan egingo den Ideia Laborategi erraldoia izango da.

Captchak asmatu zituen Luis Van Ahn-en hurrengo proiektua: Duolingo

Sustatu | 2011-12-27 : 10:12 | teknologia

Captcha-k Luis Von Ahn informatikari guatemalarrak asmatu zituen, eta baita ReCaptcha enpresa sortu eta hura Googleri saldu ere bai. TED hitzaldi honetan (gaztelaniaz), kaptxez gain, bere oraingo ekimen eta enpresaz ere badihardu: Duolingo. Internet osoa itzultzeko asmoa duen sistema bat.

Azkarregi hitz egiten dugu teknologiaren erruz?

Sustatu | 2011-12-14 : 13:12 | teknologia

Dirudienez, gaur egun duela 10 urte baino askoz azkarrago hitz egiten dugu. Teknologiak azkarrago hitz egitera bultzaten omen gaitu. Kansas-eko Wichita State University delakoaren Ray Hull irakasleak egindako neurketen arabera duela 10 urte bataz beste minutuero 145 hitzeko erritmoa mantentzen zen (ingelesez), baina gaur egun nahiko arrunta da 160 eta 180 hitzeko erritmoak aurkitzea. Azkarregi esandakoa ondo ulertzeko. Azkarregi gure burmuinentzat.

Babestu pribatutasuna zure datuetan eta komunikazioetan

UEU | 2011-10-24 : 10:10 | teknologia

Gaur egun teknologia berrien hedapena dela-eta, gero eta gutxiago erreparatzen diogu gure pribatutasunari: ordenagailua, telefono mugikorra, bankuak, sare sozialak... batzuetan ez daukagu oso argi nola egin behar ditugun gauzak, seguru egoteko norbaiten laguntza behar dugu. Horixe da ikastaro honen helburua: Teknologia berriak eta intimitatea.

Edozer gauza apurtzen duen makina

Sustatu | 2011-06-14 : 12:06 | teknologia

Suntsiketa handiak egin nahi dituenarentzat, edozer gauza apurtzeko gai den makina birrintzailea erakutsi zigun atzo boingboingek. Papera suntsitzeko makinen moduko bat, baina orotariko tamaina eta materialentzat ere balio duena. Hartu bost minutu eta ikusi bideoa:

Leherketa gehiago, isuri erradiaktiboa eta langileen ebakuazioa Fukushima Dai-Ichin

Sustatu | 2011-03-15 : 08:03 | teknologia

Beste bi leherketa gertatu dira Fukushima Dai-Ichi zentralean, larunbatekoaren eta atzokoaren ondoren. 4. erreaktorean sutea piztu da, eta IAEA agentziaren arabera, bertatik material erradiaktiboa airera askatzen ari da zuzenean, orduko 400 milisievert. Gainera, 800 langiletatik, bakarrik 50 utzi dituzte zentralean; beste guztien ebakuazioa agindu dute. Material nuklearra urtu egingo dela ematen du, eta horren ondoren, ea altzairuzko edukiontziek eusten dioten.

Fukushima Dai-Ichin beste erreaktore baten kutxa lehertu da

Sustatu | 2011-03-14 : 09:03 | teknologia

Fukushima Dai-Ichi zentraleko beste kuboetako batek eztanda egin du duela pare bat ordu. Informazio batzuen arabera, ez dakite 3. erreaktorea izan den ala ondoko zentral termikoa, baina irudiengatik badirudi 3. kubo hori izan dela, erreaktorearen inguruko kutxa, 1. eztandan bezala.

Fukushima Dai-ichi 1 erreaktorea Garoñakoaren mota, adin, potentzia eta eraikitzaile (GE) berekoa da

Sustatu | 2011-03-12 : 09:03 | teknologia

Eguneraketa: 09.40. Leherketa zuzenean ikusi izan da telebista batean. Horra bideoa.

Eguneraketa: 09.10. BBCn esan dute leherketa bat izan dela Dai-Ichi zentralean. Langileak zaurituta.

Fukushima konplexuko bi zentraletako bat da Dai-Ichi, eta berako 6 erreaktoreetan zaharrena dago egoera kritikoan. Erreaktore hau, Dai-Ichi 1 delakoa, 1970. urtean ireki zen. General Electric etxe estatubatuarrak eraiki zuen. Garoñako zentral nuklearra ere 1970an ireki zen, eta eraikitzaile berdina du: General Electric. Erreaktore mota berdina da gainera, potentzia elektriko bereikoa.

Itzulpengintzaren automatizazioari buruzko inkesta

Inaki Irazabalbeitia, Langune | 2011-02-09 : 11:02 | teknologia

Informatikak eskaintzen dituen baliabideak gero eta gehiago erabiltzen dituzte itzulzaileek beren eguneroko lanean. Itzulpen-memoriak eta itzultzaile automatikoak dira horietako baliabide batzuk.

Izendatu dituzte talde irabazleak First Lego League Euskadi robotika eta ikerketa txapelketan

Goio Arana | 2010-12-13 : 13:12 | teknologia

Arrasateko Arizmendi Ikastolako taldeak irabazi du pasa den larunbatean jokatutako First Logo League Euskadi txapelketa. EAEko 27 taldetan bildutako 10 eta 16 urte bitarteko 270 ikaslek hartu zuten esku Zamudioko parke teknologikoan izandako jardunaldian. Lego piezekin egindako robotak programatzen duten abilezia erakustetik aparte, gazteek aurkeztu behar izan dute biomedikuntza gaiaren bueltan egindako ikerketak.

Arizmendikoekin ospatzen

0011101000101001

Sustatu | 2010-10-01 : 09:10 | teknologia

01001111 01110010 01100100 01100101 01101110 01100001 01100111 01100001 01101001 01101100 01110101 01100101 01101011 00100000 01110011 01101001 01110011 01110100 01100101 01101101 01100001 00100000 01100010 01101001 01110100 01100001 01110010 01110010 01100001 00100000 01100101 01110010 01100001 01100010 01101001 01101100 01110100 01111010 01100101 01101110 00100000 01100100 01110101 01110100 01100101 00100000 01101001 01101110 01100110 01101111 01110010 01101101 01100001 01111010 01101001 01101111 01100001 00100000 01101011 01101111 01100100 01100101 01110100 01111010 01100101 01101011 01101111 00101110 00100000 00110000 00100000 01100101 01110100 01100001 00100000 00110001 00100000 01111010 01101001 01100110 01110010 01100001 01101011 00100000 01100101 01110010 01100001 01100010 01101001 01101100 01101001 01111010 00100000 01101011 01101111 01100100 01100101 01110100 01111010 01100101 01101110 00100000 01100100 01110101 01110100 01100101 00100000 01100111 01110101 01101011 00100000 01100111 01100101 01110010 01101111 00100000 01101100 01100101 01110100 01110010 01100001 00101100 00100000 01111010 01100101 01101110 01100010 01100001 01101011 01101001 00101100 00100000 01100101 01110011 01110000 01100001 01111010 01101001 01101111 00101100 00100000 01101011 01101111 01101100 01101111 01110010 01100101 00100000 01100101 01110100 01100001 00100000 01100001 01100010 01100001 01110010 01110010 01100101 01110100 01100001 01101110 00100000 01101001 01101011 01110101 01110011 01110100 01100101 01101110 00100000 01100100 01110101 01100111 01110101 01101110 00100000 01100111 01110101 01111010 01110100 01101001 01100001 00101110 00100000 01001000 01100001 01110010 01110010 01101001 01100111 01100001 01110010 01110010 01101001 01100001 00101100 00100000 01100101 01111010 01110100 01100001 00111111

Aurrekoak ››