Interneteko albistegia

kultura

Manuel Lasarte bertsolaria omenduko dute datorren ostiralean Orioko Karela Kiroldegian

Orioko Udala | 2012-06-20 : 12:06 | kultura

Orioko, Aiako eta Leitzako udaletako ordezkariek hiru udalerrietako eragileekin elkarlanean antolatu dute Manuel Lasarte bertsolariari omenaldia. Gaur goizean Donostiako Koldo Mitxelena kulturgunean aurkeztu dute ekitaldia. "Xumea eta hunkigarria" izango da, Manuel Lasarte bera eta haren sorkuntza lana gogorarazteko, eta "utzitako ondarea eskertzeko eta zabaltzeko". Ekitaldia Orioko Karela kiroldegian izango da, iluntzeko 22:00etatik aurrera. Sarrera doan izango dela iragarri dute.

Intxaurrondoko Izarrak Plazara gazteentzako talentu lehiaketa martxan

Intxaurrondo Kultur Etxea | 2012-06-19 : 17:06 | kultura

Ekainaren 22ra arte dago zabalik epea Intxaurrondoko Izarrak Plazara talentu lehiaketan izena emateko. Intxaurrondoko Plazara Goaz eta Donostia Kulturaren lankidetzaren ondorioz sortutako ekimena da.

Literatur Mikropilulen Farmazia: 100. dosiaren bila

Sustatu | 2012-06-18 : 15:06 | kultura

Literatur Mikropilulen Farmazia kolaborazio bila dabil: jendearen parte hartzea baliatu nahi du, denen artean 100. dosia idatzi eta ospatzeko. Facebookeko orrialdean ekitaldi bat sortu dute horretarako, eta asteazkenean amaituko da idazteko epea. 100. dosiak baditu jadanik baditu lerro batzuk, baina badu oraindik zer garatua.

Poesiaren bidea eta poesiaren bekatuak

Sustatu | 2012-06-14 : 13:06 | kultura

Duela aste batzuk inauguratu zuten Euskal Herriko Unibertsitatearen Leioako Kanpusean Poesiaren bidea. Iban Zaldua idazleak, inaugurazio hartan irakurri zituen poesiaren zazpi bekatu nagusiak manifestua argitaratu berri du orain Volgako Batelariak blogean.

View more presentations from sustatu.

Euskal sortzaileen I. topaketak antolatu ditu Ahotseneak

Sustatu | 2012-06-14 : 10:06 | kultura

Uztailaren 2an eta 3an ospatuko dira Euskal sortzaileen Igo topaketak, Azpeitian, Ahotsenearen eskutik. Helburua euskaraz sortzen dutenek elkar ezagutu, euskal sorkuntzaren egungo egoera elkarrekin aztertu eta balizko irtenbideak proposatzea izango da. Idazleak, musikariak, aktoreak, bertsolariak, gidoilariak, zuzendariak, dantzariak, margolariak, etab. deitu dituzte bertan parte hartzeko. Hala, bere burua euskal sortzailetzat duten pertsona guztiak (hitza agerian erabili zein ez) gonbidatuta daude Azpeitiako topaketetara joatera.


Jatorrizkoa: Creative Commons Aitortu © cc-by: musikazuzenean.com

Hasi dira bidaia kontaketak Deustuan

berbaizu euskara elkartea | 2012-06-13 : 10:06 | kultura

Iñaki Guridi kazetariaren eskutik Ghana eta Etiopia gertuago izan zen Deustuan. Lehenengo pertsonan bizi eta ezagututakoak ekarri zituen Guridik, eta aste honetako ostegunean Iñaki Karegaren txanda izango da.

Abenduan Berlinen ospatu zen Euskal Koreografoen II. jaialdia

Sustatu | 2012-06-07 : 10:06 | kultura

Mikel Aristegui dantzari donostiarrak eta Art &amp Project taldeak antolatuta, Berlinen Euskal Koreografoen II. Jaialdia ospatu zen abenduan. Euskal Herriko dantzari eta koreografoak ezezik, bertsolariak eta idazleak ere bertan izan ziren.

Asteburu honetan ospatuko da Literaturia 2012 Larrabetzun

Sustatu | 2012-05-29 : 11:05 | kultura

Badator Literaturia. Ostiraletik igandera bitartean literaturaren topagunea ospatuko dute Larrabetzun. Antzerkiak, mahai-inguruak eta errezitaldiak izango dira, ohi bezala, asteburu honetan. Beste ekitaldi batzuen artean, Estepan Urkiaga Lauaxeta gogoratuko dute musika eta hitza uztartuz. Herriko plaza, eskola, Hori Bai Gaztetxea eta Anguleri Kultur Etxea bihurtuko dira, beste behin ere, Literaturiako eszenatoki.

Herri mugimenduek sortutako ezagutza nola kudeatu, EHUren udako ikastaroetan

Tabakalera | 2012-05-13 : 16:05 | kultura

Herri mugimenduen inguruan askotariko dokumentazioa sortzen da, ugaria eta aberatsa. Sarri zail izaten da ezagutza hori kudeatu, iraunarazi eta transmititzea. Nola jaso mugimendu politiko, kultural edo herrikoiek utzitako ezagutza? Nola bildu, antolatu eta zabaldu modu egokian? Tabakalerak eta Euskal Herriko Unibertsitateak elkarlanean antolatu duten udako ikastaroak galdera horiei erantzuna topatzea du helburu; lan horiek guztiak aurrera eramateko kontuan hartu beharreko gakoak zein diren definitu eta teknologia berriek eskaintzen dituzten aukerak arakatzea. Uztailaren 13an eta 14an izango da, eta izen-ematea irekita dago.

Txillardegi, Jasone Osoro, Juan Luis Zabala, Concetta Probanza... Arrasateko 3. Literaturjauzietan

AED | 2012-05-05 : 13:05 | kultura

Juan Luis Zabalaren Gaztetxeak eta literatura hitzaldiarekin emango diogu hasiera datorren domekan AED euskara elkartearen 3. Literaturjauziei Arrasaten. Aurreko edizioetan bezalaxe, literatura jendeari gerturatzeko asmoz ondu dugu egitaraua. Komiki tailerra, Txillardegiren omenezko irakurraldia, 2. Bookcrossing-a... eta gehiago.

Euskal Herriaren egoera literaturaren bidez azaldua, Bartzelonako Euskal Etxeak antolatutako Literaldia 12 jaialdian

Sustatu | 2012-05-04 : 17:05 | kultura

Apirilaren 11az geroztik, martxan da Literaldia 12, Bartzelonako Euskal Etxeak antolatzen duen jaialdia, eta maiatzaren 12an amaituko da. Helburua literaturaren bitartez Euskal Herriaren gaur egungo ikuspegia eskaintzea da kataluniarrei. Hainbat ekimen antolatu dituzte horretarako, online eta offline.

Ariola Eguna, larunbatean Zarautzen

Ariola Kultur Ekimena | 2012-05-02 : 15:05 | kultura

Ariola Eguna ospatuko dugu larunbat honetan Zarautzen, herriko artista guztiak kalera eta herrira atera nahian. Zarautzen egon badaude kultur adierazpenerako baliabideak, baina ez dira nahikoak eta denak sakabanatuak daude: horregatik antolatu dugu Ariola Eguna. Herriko hainbat lekutan ekintza eta tailer ezberdinak antolatu ditugu, besteak beste, serigrafia, sormen eta graffiti tailerra, nekazaritza ekologikoaren tailerra eta antzerki eta zirku tailerra.

IKTak, irakurketa sustatzeko pizgarri, Jaurlaritzaren irakurketa planean

Sustatu | 2012-04-23 : 14:04 | kultura

Eusko Jaurlaritzako Kultura sailak Euskal Autonomia Erkidegoko Irakurketa Plana aurkeztu berri du Legebiltzarrean. Honen bidez, irakurketa "Euskadi garatzeko eragile" moduan sustatu nahi izan du Blanca Urgell buru duen lantaldeak. Plan eleanitza, multimodala eta multimedia bezala definitu dute. Irakurketa aisialdirako jarduera huts denaren ideia alde batera utzi eta ikasteko tresna dela gizarteratu nahi dute. Haur, gazte zein helduei zuzendutako proiektuak dira, eta irakurzaletasuna sustatzeko tresna nagusi izango dira IKTak.

Mikel Balerdi: "Minaren lagun egin naiz"

GAZTEZULO | 2012-04-15 : 13:04 | kultura

Familia euskalduna duen arren, Madrilen jaio zen, eta Nerabea zela ezagutu zuen tatuajeen mundua. hortik abiatuta, duela lau urte probatu zuen lehen aldiz gorputz suspentsioa. ordutik, minaren eta plazeraren arteko muga zorrotzaren gainean dabil, kako batetik zintzilik, adimena eta gorputza banantzen direnekoaz gozatzen. Txorien moduan hegan jarraitu nahi du, oinak lurrean jarri gabe. Pagoeta basoan elkartu gara Mikelekin, Euskal Herrira egin duen egun batzuetako bisita aprobetxatuz. Baina oporretan ere ezin du bere pasioa albo batera utzi: eguraldiak lagunduta, zuhaitz batetik zintzilikatzea erabaki du, bere kabuz, bere gorputza aireratuko duen sokatik berak bakarrik tiratuta. Pasioa bizimodu bilakatu zaio jada. Lehen begiratuan, aurpegian dituen piencingek, markek eta tatuajeek ematen dute atentzioa, baina minutu batez harekin solastuta denak ahazten dira

Gaiak Argitaletxeak badu webgune berria

unai | 2012-03-23 : 15:03 | kultura

Gaiak argitaletxeak urteak daramatza euskal kulturaren aldeko lanean eta kostata bada ere, webgune berria ireki du.

Txirri, Mirri eta Txiribiton: 40 urte oholtzan

Sustatu | 2012-03-19 : 09:03 | kultura

Datorren martxoaren 25ean 40 urte beteko dituzte oholtza gainean Txirri, Mirri eta Txiribiton pailazo ezagunek. 1972an egin zuten lehen agerraldia eta harrezkero 40 urtez ibili dira herririk herri umetxoen irria sortaraziz. Erakusketa eta ekitaldi bereziak antolatu dituzte Donostiako Udal Liburutegian.

Koldo Saratxagaren hitzaldi irekia "Informazioaren kudeatzailea" ikastaroari hasiera emateko

Tabakalera, Donostia | 2012-03-16 : 15:03 | kultura

Tabakalerak eta Asmoz Fundazioak antolatutako Informazioaren kudeatzailea eta bitartekaria izeneko ikastaroa joan zen astean abiatu bazen ere, hasiera ofiziala eta publikoa datorren astelehenean, martxoaren 19an, emango zaio, Koldo Mitxelena Kulturuneko ekitaldi aretoan Koldo Saratxagak eskainiko duen hitzaldiarekin. Interesa duen ororentzat zabalik egongo den saioa 18:30etan hasiko da eta gaztelaniaz izango da. Gainera, bertaratu ezin dutenek ere hitzaldia jarraitzeko aukera izango dute, streaming bidez emango baita Koldo Mitxelenako webgunean.

Iparraldea Bertan zikloaren XI. edizioa Donostian

EKE | 2012-03-14 : 09:03 | kultura

11. aldiz, Euskal kultur erakundea eta Koldo Mitxelena kulturunea elkartzen dira Iparraldea Bertan! kultur zikloaren antolatzeko. Egitarauan, kontzertuak eta Iparraldea garapen bidean deitu hitzaldia Battitta Boloquy-rekin. Ekitaldiak martxoko asteazken guziz iraganen dira, 19:30etan, Koldo Mitxelena kulturunean.

"Informazioaren kudeatzailea eta bitartekaria" ikastaroa, Tabakalera eta Asmoz Fundazioaren eskutik

Tabakalera, Donostia | 2012-02-21 : 13:02 | kultura

Aurreko edizioetako esperientzia errepikatu nahian Tabakalerak eta Eusko Ikaskuntzaren Asmoz Fundazioak, Javier Leiva Aguilerak zuzenduriko Informazioaren Kudeatzailea eta Bitartekaria ikastaroaren 3. edizioa abiarazi dute. Ikastaroa 2012ko martxoaren 5ean hasiko da eta 2012ko ekainaren 22ra bitartean egingo da. Izena emateko epea zabalik dago jada.

"Afrikako Gerra (1859-1860)" izenburupean aurkeztu dugu museoko erakusketa birtual berria

Zumalakarregi Museoa | 2012-02-18 : 11:02 | kultura

Zumalakarregi Museoak erakusketa birtual berri bat jarri du abian bere webean. XIX. mendean gertatutako gerra gutxi ezagutuari buruzkoa, 1859-1860 urteetako Afrikako Gerra alegia.

Aurrekoak ››