Interneteko albistegia

HKEEren arabera, euskararen aitzakiarekin, Realak milioi bat euro jaso zuen legez kanpo Foru Aldunditik

Sustatu | gaur : 10:23

Herri-Kontuen Euskal Epaitegiaren (HKEE) arabera, legetik kanpo jaso zuen Realak milioi bat euro Gipuzkoako Foru Aldunditik, euskararen aldeko publizitatearen aitzakiarekin. 2010ean urtebeterako hitzarmena sinatu zuen Realak publizitate horren truke 1.2 milioi jasotzeko. 2011n, akordioa ez zen ofizialki berritu, baina Realak berritu izan balitz bezala egin zuen, euskararen aldeko mezuarekin jarraitu zuten, eta handik urtebetera, 2012an, dirua esijitu zioten Foru Aldundiari. Aldundiak 1.2 milioi ez, baina milioi bat euro eman zizkion.

Publizitatea

Gaztezulo-k Bilbao BBK Live jaialdian egindako elkarrizketak

| atzo : 13:17

Uztailaren 10etik 12ra Bilbao BBK Live jaialdian izan zen Gaztezulo. Hemen topatuko dituzue Kobetamendin ondoko taldeei egindako elkarrizketak: Belako, Eskean Kristö, Croissants DJ's, Crystal Fighters, El Columpio Asesino, Izal eta La M.O.D.A.

Iaz baino herritar gehiagok egin dute errenta aitorpena euskaraz UEMAko udalerrietan

| 2014-07-24 : 12:59

Gipuzkoako Foru Aldundiak emandako datuen arabera, UEMAko udalerrietan 2013ko errenta aitorpena egin duten herritarren %24,8k egin du euskaraz. Urtez urte, goraka doa errenta aitorpena euskaraz egiten duten herritarren kopurua. UEMAk, apirilean egin zuen “errenta aitorpena euskaraz” kanpaina, eta emaitzak ikusita balorazio positiboa egin du.  

Peio Ospital Lapurdi irrati girixtinotik kanporatu du apezpikuak

Erabiltzailearen aurpegia kazeta.eus | 2014-07-24 : 10:44 | automatikoa

Peio Ospital kantari ezaguna Lapurdi irratitik kanporatu du Marc Aillet apezpikuak. Urte anitzez irrati girixtinoko esatari gisara aritu ondoren apezpikuak igorritako pertsona bat Ospitalen etxera joan zen lokaleko gakoak galdetzera, izan ere Aillet apezpikuaren aurkari bat izanki ez dela gehiago ongi etorria erran du.

Guztia irakurri (kazeta.eus) »»

Aurkitu duena

kazeta.info @kazetainfo | 2014-07-23 17:27

Peio Ospital kantaria Lapurdi irrati girixtinotik kanporatu du apezpikuak kazeta.eus/euskalherria/p…

Firefox OS euskaratu du Librezalek

Erabiltzailearen aurpegia librezale.org | 2014-07-23 : 13:55 | automatikoa

Gailu mugikorretarako Firefox OS sistema eragilea euskaratu du Librezalek. Sakelakoetarako eta tabletetarako Android, iOS eta Windows Phone sistemen alternatiba irekia izan nahi duen sistema eragilea da Firefox OS. Euskal Herrian dagoeneko salgai daude Firefox OS daramatzaten sakelakoak, Hegoaldean Telefónica konpainiak Movistar bidez merkaturatzen baititu, eta Iparraldean ZTE bidez eskura baitaiteke.

Guztia irakurri (librezale.org) »»

Aurkitu duena

Urtzi Odriozola @urtzai | 2014-07-23 12:09

Firefox OS euskaratu du Librezalek librezale.org/2014/07/22/fir… @Librezale

Bidasoaz bi aldeetako ikasleak eta begiraleak, udaleku aitzindari batean elkarrekin

Erabiltzailearen aurpegia udalbiltza.info | 2014-07-23 : 12:36 | automatikoa

Ikastolen Elkarteak eta Uda Leku elkarteak bat egin dute aurrenekoz, eta aurten 'Elkarrekilan Zuberoan' udalekuak antolatu dituzte elkarrekin. Bertan, Euskal Herriko lurralde guztietako 9 urtetik 15 urtera bitarteko ehun bat gaztek hartuko dute parte. Mauleko 'Agerria etxea' aterpetxean izango dira, uztailaren 24tik 30era. Begiraleak ere Bidasoaz bi aldeetakoak izango dira.

Guztia irakurri (udalbiltza.info) »»

Aurkitu duena

Udalbiltza @Udalbiltza | 2014-07-22 12:44

Bidasoaz bi aldeetako ikasleak eta begiraleak, udaleku aitzindari batean elkarrekin ift.tt/WvG8Yb

'Tako' produktu grafikoa Donostiara iritsi da deialdi ireki batekin

Mikel Iturria, Harrikadak blogetik | 2014-07-23 : 10:45

Tako bat 20x20 zentimetroko egurrezko pieza bat da. 4 zentimetroko lodiera dauka. Obra grafiko bat darama inprimatuta: argazki bat, irudi bat, artelan bat. Bilbon sortu eta Zarautzera hedatu ondoren, Tako Donostia jaio da. Iniziatibaren atzean Garoa Kultur Lab eta Estudios Durero daude, eta deialdi ireki gisa planteatzen da lantzamendua Donostian: 5 argazki bidali behar dira uztailaren 28rako.


(Mikel Iturriaren Harrikadak blogetik hartua haren cc-by-sa lizentziari esker)

| 2014-07-23 : 08:27

Espainiako Legebiltzarreko Kultura Batzordeak Jabetza Intelektualaren legearen erreforma onartu du, PP ez beste inoren aldeko botoekin.

Besteak beste, kanon digitala Estatuko Aurrekontuetatik ordaintzea eta AEDE kanona sortzea aurreikusten du erreformak, hedabideen edukiekiko loturak erabiltzeagatiko tasa.

Tasa hori CEDRO Elkarteak kudeatuko du, eta hedabideen 'errefusatu ezinezko eskubidea' izango da. Hau da: CEDROk eskubidea izango du euren edukien truke ezer kobratu nahi ez duten hedabideen izenean ere tasa kobratzeko.

http://www.teknopata.net/2014/07/aede-kanona-au...

Xabi Bandini (Kerobia): "Ez dugu magiarik aurkitzen"

Erabiltzailearen aurpegia badok.info | 2014-07-21 : 15:01 | automatikoa

Azken asteetan Kerobiaren gaineko zurrumurruak entzuten ziren han eta hemen. Batzuek zioten jotzeari utzi behar ziotela; beste batzuek, ordea, disko berria prestatzen ari zirela. Uztailaren 16an eman ziguten berria; Kerobiak agur esan zuen taldearen web orrian argitaratutako komunikatuaren bitartez. Iruñera etorri gara Xabi Bandiniren musika ibilbideari errepasoa eman eta Kerobiari amaiera emateko erabakiaren nondik norakoak ezagutzeko.

Guztia irakurri (badok.info) »»

Aurkitu duena

Leire Palacios @AnnieSdelMono | 2014-07-21 11:20

@kerobia hil da ez daukalako ezer proposatzeko” Xabi Bandiniri egindako elkarrizketa @Badokinfo-rako badok.info/elkarrizketak/… #agurkerobia

Aurrekoak ››