Teknologia albisteak
Uhinbak: euskarazko irratiak sakelakoan entzuteko aplikazioa
Bizkaia Irratia
2011-09-28 : 10:09
Euskaraz jarduten dugun 12 irrati sakelekoan entzuteko aukera dago Uhinbak ekimenari esker. Berria Fundazioak 2010. urtean euskarazko hedabide proiektuak laguntzeko Berria beka sortu zuen. Antxeta Irratiak FitBak enpresarekin batera garatutako Uhinbak izan da bekaren lehen emaitza.
Euskara hutsean emitzen duten 12 irrati entzun ahal dira gaur egun. Honako hauek:
- Antxeta Irratia (Hendaia-Lapurdi)
- Bilbo Hiria Irratia (Bilbo-Bizkaia)
- Bizkaia Irratia (Bilbo - Bizkaia)
- Euskal Irratiak: Gure Irratia (Uztaritze - Lapurdi) / Antxeta Irratia (Hendaia - Lapurdi) / Xiberoko Boza (Maule - Zuberoa) / Irulegiko Irratia ( Donibane-Garazi- Nafarroa Beherea)
- Euskalerria Irratia (Iruñea - Nafarroa)
- Hala Bedi Irratia (Gasteiz - Araba)
- Ttan Ttakun Irratia (Donostia - Gipuzkoa)
- Txolarre Irratia (Anoeta - Gipuzkoa)
- Xorroxin Irratia (Elizondo eta Lesaka - Nafarroa)
Uhinbat aplikazioak eskaintzen dituen zerbitzuak baliatzeko behar dena:
- Sakeleko telefonoa: multimedia edukiak erreproduzitu eta interneten nabigatzeko prestatu dagoena (Android /Iphone)
- Internet konexioa
Nola instalatu Uhinbak?
- Apple App Store: Mac erabiltzen dutenek (iphone, ipad edo ordenagailuan) eskuragarri dute app storean.
- Android Market: bertan deskargatuz instalatu daiteke Uhinbak aplikazioa.
- www.uhinbak.eu webgunean.
Erantzunak
Xabier Eskisabel
2011-09-29 : 19:13
Lotura zuzena hau da: http://auzolana.gipuzkoa2.net/index.php/2._eranskina:_Garapen_teknologikoak.
/cache/Udako-Ola-2024_1_small_content.jpeg)
Lan txukuna FitBakekoena, zalantza izpirik gabe.
Hala ere informazioa osatze aldera, Berria Fundazioa eta Eusko Jaurlaritzarekin batera, FitBakek garaturiko aplikazioak Gipuzkoako Foru Aldundiko Kultura eta Euskara Departamentuko -orain Kultura, Gazteria eta Kirola- 2010. urteko Gipuzkoa 2.0 dirulaguntzen bitartez lagundu zen. Uhinbaki ekimenari dagokion fitxa hemen kontsultatu daiteke.
2010. urteko dirulaguntzen irizpideak eztabaidatzeko Auzolana prozesuan. zehazten zen bezala, "...Onuradunak dirulaguntza jaso eta urtebete barruko epean, garatutako tresna nahi bezala ustia dezake. Urtebeteko epea betetakoan, ordea, garatutako tresna edo aplikazioaren kodea (egongo balitz), Foru Aldundiak modu irekian Interneten jartzeko eskubidea beretzat gordeko du. "
Alegia, 2012ko irailera arte FitBak enpresak garaturiko aplikazioa nahi bezala ustiatzeko askatasuna du, aldiz, aplikazioa publikatu eta urtera GFAk iturburu kodea software aske gisa (GPL, NewBSD , EUPL ...) publikatzeko eskubidea beretzat gordetzen duela.