Teknofiloen albistegia
6

Leherketa gehiago, isuri erradiaktiboa eta langileen ebakuazioa Fukushima Dai-Ichin

Erabiltzailearen aurpegia
Sustatu
2011-03-15 : 08:03

Beste bi leherketa gertatu dira Fukushima Dai-Ichi zentralean, larunbatekoaren eta atzokoaren ondoren. 4. erreaktorean sutea piztu da, eta IAEA agentziaren arabera, bertatik material erradiaktiboa airera askatzen ari da zuzenean, orduko 400 milisievert. Gainera, 800 langiletatik, bakarrik 50 utzi dituzte zentralean; beste guztien ebakuazioa agindu dute. Material nuklearra urtu egingo dela ematen du, eta horren ondoren, ea altzairuzko edukiontziek eusten dioten.

Goiko bideoan NHK telebista kate japoniarrekoek azaltzen dute ze sistema duten Fukushimako BWR motako erreaktoreek, nola huts egin zuten hozketa sistemek, eta material erreaktiboa urtzea oso litekeena dela. Horren ondoren, espero behar dena da altzairuzko edukiontziek eutsi egingo diotela material horri, ihesik gabe.

Japoniako Gobernuak onartu du erradiazio maila osasunarentzako kalterako modukoa neurtu dutela dagoeneko toki batzuetan. Era berean, ebakuazio deiak errepikatu dituzte, eta horiei gehitu diete oharra ez etxetik irteteko 30 kilometroko ingurunean.

Erantzunak

Sustatu
2011-03-15 : 09:16

Orduko 400 milisievert baldin bada zentraleko isuri erradiaktiboaren maila, 3 edo 4 orduko esposizioarekin osasun arazoak gertatzen has daitezke.


Sievert mailaren araberako pozoinketa erradiaktiboaren taula aurkitu dugu Wikipedian.


Bittor Hidalgo - Donostia
2011-03-15 : 09:38

Eskerrik asko Japoniako kasuan egiten ari zareten segizioagatik.



Ondo izan



Bittor

Sustatu
2011-03-15 : 10:18

The New York Times-en arabera, zentral nuklear bateko langile baten segurtasun neurrietan, urtean 30 milisievert-eko erradiazioa jaso dezakeela aurreikusten da. Larrialdi kasuekin lan egin behar badute, 250 milisievert-era igo daiteke urteko maila hori.


Ba, hara, Nazioarteko Energia Atomikoaren Agentziak dio une honetan 400 milisievert orduko dela Fukushima Dai-Ichi zentralean airera isurtzen ari dena.


Langile gehienak ebakuatu dituzte. 50 inguru geratzen dira. Eta egoerak okerrera ez egiteko zeregina dute esku artean.


Jozulin
2011-03-15 : 10:29

Garoñako langileek ez dute, ez horixe, une egokia aukeratu zentrala zarratzearen aurka protestatu eta energia nuklearraren apologia patetikoa egiteko:



txu
2011-03-15 : 11:24

Etxetik ez urtetzeko 30 kilometro inguruan. Horrek ez du esan nahi 35. kilometroan etxetik urtetzea osasuntsua danik, ez hain larria baino. Gasteiz Garoñatik 40 kilometrora dago.

Sustatu
2011-03-15 : 17:45

Azken orduetako gertaerak Japonian:


  • IAEA erakundeak dio orain orduko 400 milisieverteko neurketa orain, une jakin batean izan dela.

  • Ez dago argi 3 edo 4 leherketa izan diren orotara. 2. erreaktorean beldurra dago uranioaren edukiontzia bera zartatu ote den.

  • Erreaktoreetara ura botatzen segitzen dute, baina helikopteroz ari dira orain. Asko jakin barik bururatzen zaigu hodi eta punpa sistema batekin lor daitekeena baino kantitate txikiagoa izango dela...

  • 4. erreaktorean egoera desberdina da: izatez geldi zegoen lurrikararen unean, baina nonbait uraniozko erregai barren inguruan sua piztu zen atzo. Itzali zutela ere esan dute.

  • Goiko mapan ageri den 30 kilometro erradio hori hegaldirik gabeko zonalde izendatu dute.

  • Agintariek diote lurrikararen unean geldiarazitako gainerako zentraletan (Fukushima Daini, Onagawa, Tokai) geldiketa/hozketa prozesua ondo doala.


Mundu zabalean, berriz:


  • Alemaniak erabaki du 1980. urtea baino lehenagoko zentralak ixtea. Sei itxiko dituzte, beraz, eta 17 geratuko dira lanean. Euskal Herritik gertuen dagoen zentrala, Garoñakoa, 1970. urtekoa da (1971ean hasi zen energia ekoizten).

  • Frantziako agintarien aburuz, 7 mailako eskalan, 6. mailako larritasuna du Fukushima Dai-Ichi-ko istripuak. Horrek Three Mile Island zentralekoa baino larriagoa dela adieraziko luke. 7. maila gorenean, istripu bakarra historian: Txernobilgoa.


Erantzun

Twitter ikonoa  Facebook ikonoa  Sartu

Publizitatea

Azken erantzunak

Erabiltzailearen aurpegia
Kuriosoa CardBoard-arekin ikusteko (Aitzol)
Horrelakoxea da Google barr..., 2016-05-26
Askoren bizipenak dira artikulu honetan jasotze... (floresena)
Software librera pasatzeare..., 2016-05-20
Erabiltzailearen aurpegia
Albistean aipatzen den material ugaria biltegir... (PanderetaZalea ||*||)
'Basque Radio Program' eusk..., 2016-02-18
Erabiltzailearen aurpegia
Kaixo Urtzi, Lehenik eta behin eskerrik asko... (dabidnet)
Software librera pasatzeare..., 2016-05-20
@urtzai aspaldi zabaldu nuen nire inguruan ni i... (ziztazale)
Software librera pasatzeare..., 2016-05-20

»» Jardun osoa

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago